Published on zviazda.by (http://zviazda.by)

Хатняя старонка > У краіне пачаліся маштабныя вучэнні

У Беларусі распачалося камандна-штабное вучэнне. У ім задзейнічана да 7,5 тысячы вайскоўцаў, 260 адзінак бронетэхнікі, каля 30 самалётаў і верталётаў. Пра гэта паведамілі ў прэс-службе Міністэрства абароны.

Тэмай вучэння абрана падрыхтоўка і прымяненне войскаў у інтарэсах адбіцця агрэсіі супраць нашай краіны. Тэма вызначана з улікам новых выклікаў і пагроз ваеннай бяспецы, якія ўзнікаюць у свеце.

Вучэнне будзе праходзіць у два этапы. Яго мэта — праверыць узровень навучанасці органаў кіравання, іншых войскаў і воінскіх фарміраванняў і іх здольнасць кіраваць сіламі і сродкамі пры выкананні задач па прызначэнні.

Вайскоўцы задзейнічаюць вучэбна-матэрыяльную базу шасці палігонаў, а таксама раёны і ўчасткі мясцовасці ў Брэсцкай, Гродзенскай, Мінскай і Магілёўскай абласцях.

Вучэнне скончыцца 12 верасня.

Валяр'ян ШКЛЕННІК

Тэгі:
Падзяліцца:

Спасылкі
[1] http://zviazda.by/be/tags/valyaryan-shklennik
[2] http://zviazda.by/be/gramadstva
[3] http://zviazda.by/be/tags/vaennyya-vuchenni