У Грамадскай арганізацыі «Ахова птушак Бацькаўшчыны» (АПБ) назвалі птушку 2019 года ў Беларусі. Ёй стане вялікі падворлік, або вялікі арлец, які з'яўляецца адной з самых рэдкіх драпежных птушак Еўропы і знаходзіцца пад пагрозай знікнення. Характэрна, што цяпер найбуйнейшая папуляцыя гэтага віду гняздуецца ў нашай краіне.
"120-150 пар гэтых птушак жыве ў нашых лясах - гэта больш, чым ва ўсім Еўразвязе", - падкрэслілі ў АПБ.
Для захавання папуляцыі вялікага падворліка ў Беларусі на працягу некалькіх гадоў праводзіцца акцыя "Выратуй падворліка!». У яе рамках праводзяцца экспедыцыі па пошуку гнёздаў гэтых птушак, каб потым выяўленыя ўчасткі аддаць пад ахову, а ўжо вядомыя гнёзды абараняюцца ад магчымай шкоды. Грошы на акцыю збіралі краўдфандынгам.
Вялікія падворлікі насяляюць пераважна на балотах і каля іх, пазбягаючы кантакту з чалавекам. Звычайна яны гняздуюцца на дрэвах. Сілкуюцца грызунамі, што поўзаюць, земнаводнымі і дробнымі птушкамі.
Ужо больш за 15 гадоў у Беларусі штогод выбіраюць птушку года. У 2018 годзе гэта чорнагаловы шчыгол.
sb.by [1]
Спасылкі
[1] https://www.sb.by/articles/bolshoy-podorlik-nazvan-ptitsey-2019-goda-v-belarusi.html
[2] https://zviazda.by/be/tags/ptushka-goda
[3] https://zviazda.by/be/tags/2019
[4] https://zviazda.by/be/tags/ahova-ptushak-backaushchyny-1