Гэтым разам у пошуках вытокаў малой радзімы «Звязда» накіравалася на Магілёўшчыну — у Круглянскі раён, на бераг ракі Друць, у вёску Цяцерын. Справа творчага жыцця работнікаў раённага Дома рамёстваў Ларысы ЛЯМЦАВАЙ і Наталлі АНІКОВІЧ, сфатаграфаваным на друцкім беразе, у нечым нагадвае выток, які прабіваецца з глыбінь стагоддзяў і дае сённяшнім жыхарам сапраўднае адчуванне сваіх каранёў, прыналежнасці да сваёй малой радзімы. Жанчыны першыя ў раёне пачалі папулярызаваць мясцовы традыцыйны строй і, па сутнасці, адрадзілі яго. Ларысе Лямцавай — метадысту, майстру па ткацтве традыцыйных паясоў, бісерапляценні, вырабе тэкстыльных абрадавых лялек, народнаму майстру Беларусі — давялося звярнуцца да музеяў па дапамогу, зазірнуць у архіўныя крыніцы, па зернетку здабываць веды. А потым выкройваць і вышываць арнаменты і карункі. Наталля Аніковіч (на фота справа) — дырэктар Дома рамёстваў, калі заканчвала ўніверсітэт, выбрала для дыпломнай работы таксама рэканструкцыю жаночага строю свайго роднага рэгіёна. І цяпер, калі праходзяць фестывалі, святы і выстаўкі народных умельцаў, круглянскія майстрыхі абавязкова апранаюць свае новыя «старыя» строі.
Анатоль КЛЯШЧУК, фота аўтара
Спасылкі
[1] https://zviazda.by/be/tags/anatol-klyashchuk
[2] https://zviazda.by/be/gramadstva
[3] https://zviazda.by/be/tags/fota-dnya