ААТ "Банк Масква-Мінск" перайменаваны ў ААТ "Банк Дабрабыт". Гэта прадугледжана пастановай праўлення Нацыянальнага банка Беларусі №41 ад 23 студзеня, інфармуе [1] ўпраўленне інфармацыі і грамадскіх сувязей Нацбанка.
У адпаведнасці з дакументам праведзена дзяржаўная рэгістрацыя змяненняў, унесеных у статут адкрытага акцыянернага таварыства "Банк Масква-Мінск" рашэннем агульнага сходу акцыянераў ад 28 снежня 2018 года і звязаных са змяненнем назвы банка.
Пастанова ўступае ў моц 28 студзеня 2019 года.
Банк Масква-Мінск з'яўляецца значным гульцом на банкаўскім рынку Беларусі з пункту гледжання абслугоўвання карпаратыўнага бізнесу. У банку абслугоўваецца больш за 10 тыс. юрыдычных асоб. Банк таксама пастаянна ўваходзіць у топ-3 асноўных удзельнікаў таргоў на валютна-фондавай біржы. Акцыянерамі банка з'яўляюцца Нацыянальны банк Беларусі (больш за 99%) і ААТ "Парытэтбанк".
Спасылкі
[1] https://www.nbrb.by/Press/?id=8473
[2] https://zviazda.by/be/tags/bank-maskva-minsk
[3] https://zviazda.by/be/tags/bank