Сёлета масленічны тыдзень у краіне пачнуць святкаваць 4 сакавіка, але ўжо на гэтых выхадных самыя нецярплівыя сталі частавацца блінамі, аладкамі ды іншай хатняй выпечкай. Ласункі, згатаваныя бацькамі ды вучнямі сталічнай школы № 144, на марозе пад сонейкам пад святочныя песні ішлі на ура. А гарбата з сапраўднага самавара ды рухавыя гульні дадавалі настрою і цеплыні.
Хтосьці проста частаваў усіх жадаючых блінамі і аладкамі, хтосьці гандляваў прысмакамі за сімвалічную цэну, каб зарабіць сабе на кішэнныя грошы. Але ўсе з аднолькавым захапленнем прагульваліся паміж сталамі з ласункамі ды танчылі.
Штогод школьнае кіраўніцтва стараецца адзначаць падобным чынам народныя святы. Каб дзеці традыцыі не забывалі, і самі вучыліся сабе вяселле ды настрой арганізоўваць.
Ірына СІДАРОК, фота аўтара
Спасылкі
[1] https://zviazda.by/be/tags/iryna-sidarok-0
[2] https://zviazda.by/be/gramadstva
[3] https://zviazda.by/be/tags/maslenica-0
[4] https://zviazda.by/be/tags/shkola
[5] https://zviazda.by/be/tags/vuchni
[6] https://zviazda.by/be/tags/svyata
[7] https://zviazda.by/be/tags/bliny