У наступным навучальным годзе зімовыя канікулы ў беларускіх школьнікаў будуць доўжыцца аж 17 дзён: з 26 снежня да 11 студзеня.
Але насамрэч на адпачынак дзеці адправяцца на дзень раней — на каталіцкія Каляды, якія лічацца дзяржаўным святам і выхадным днём, а на вучобу выйдуць толькі 13 студзеня, бо 12 студзеня прыпадае на нядзелю. А вось веснавыя канікулы пасля самай працяглай і складанай трэцяй школьнай чвэрці будуць самыя кароткія...
У інфармацыйным лісце Міністэрства адукацыі паведамляецца, што першая вучэбная чвэрць у 2019/2020 навучальным годзе будзе доўжыцца з 2 верасня да 31 кастрычніка; другая — з 11 лістапада да 24 снежня; трэцяя — з 13 студзеня да 28 сакавіка і чацвёртая — з 6 красавіка да 30 мая.
Працягласць восеньскіх канікул складзе 9 дзён (з 1 да 9 лістапада ўключна); зімовых — 17 дзён (з 26 снежня да 11 студзеня) і веснавых — 6 дзён (з 30 сакавіка да 4 красавіка ўключна).
Для навучэнцаў першых і другіх класаў у трэцяй чвэрці прадугледжаны дадатковыя зімовыя канікулы з 17 да 23 лютага працягласцю сем дзён.
Надзея НІКАЛАЕВА
Спасылкі
[1] https://zviazda.by/be/tags/nadzeya-nikalaeva
[2] https://zviazda.by/be/author/ganna-zankavich
[3] https://zviazda.by/be/gramadstva
[4] https://zviazda.by/be/adukacyya
[5] https://zviazda.by/be/tags/asenniya-kanikuly
[6] https://zviazda.by/be/tags/vyasnovyya-kanikuly
[7] https://zviazda.by/be/tags/zimovyya-kanikuly
[8] https://zviazda.by/be/tags/shkolnyya-kanikuly
[9] https://zviazda.by/be/tags/letniya-kanikuly
[10] https://zviazda.by/be/tags/kanikuly