Прэм’ер-міністры Беларусі і Расіі сёння ў Маскве ўзгаднілі праект праграмы дзеянняў па паглыбленні інтэграцыі і пералік дарожных карт. Пра гэта заявіў журналістам кіраўнік беларускага ўрада Сяргей Румас па выніках перамоваў з удзелам дэлегацый дзвюх краін, паведамляе БЕЛТА [3].
«Мы з Дзмітрыем Мядзведзевым падвялі рысу пад першым этапам вялікай працы, паставілі свае візы пад праграмай дзеянняў (па паглыбленні інтэграцыі. — Заўвага БЕЛТА), зацвердзілі пералік дарожных карт, — распавёў Сяргей Румас. — 31 дарожная карта ўвайшла ў гэты пералік, і нам на працягу бліжэйшых двух месяцаў трэба будзе вельмі вялікая праца, каб да пачатку снежня падрыхтаваць для падпісання нашымі прэзідэнтамі пакет з праграмы дзеянняў, дарожных карт і некалькіх міжурадавых дамоў».
Кіраўнік беларускага ўрада падзякаваў кіраўнікам эканамічных ведамстваў Беларусі і Расіі Дзмітрыю Крутому і Максіму Арэшкіну за праведзеную працу па ўзгадненні неабходных дакументаў. «Адначасова хачу сказаць, каб яны не расслабляліся, — папярэдзіў Сяргей Румас. — Дарожныя карты — гэта на парадак больш складаны аб’ём працы, улічваючы і тэрміны, і той масіў дакументаў, якія трэба будзе прааналізаваць, каб якасна іх падрыхтаваць».
Сяргей Румас выказаў упэўненасць, што да сустрэчы прэзідэнтаў Беларусі і Расіі ў пачатку снежня ўсе неабходныя дакументы будуць гатовыя.
Спасылкі
[1] https://zviazda.by/be/palityka
[2] https://zviazda.by/be/parlament
[3] https://www.belta.by/politics/view/rumas-i-medvedev-namereny-zavershit-rabotu-nad-programmoj-po-uglubleniju-integratsii-361066-2019/
[4] https://zviazda.by/be/tags/syargey-rumas
[5] https://zviazda.by/be/tags/dzmitryy-myadzvedzeu