Прэзідэнт Беларусі Аляксандр Лукашэнка 24-25 кастрычніка наведае з афіцыйным візітам Казахстан, паведамляе [3] прэс-служба беларускага лідара.
Кіраўнік дзяржавы правядзе ў Нур-Султане перагаворы з Прэзідэнтам Казахстана Касым-Жамартам Такаевым. Лідары краін на сустрэчы ў вузкім і шырокім складах абмяркуюць развіццё міждзяржаўных адносін з акцэнтам на пашырэнне гандлёва-эканамічнага ўзаемадзеяння. Прэзідэнты разгледзяць перспектывы пашырэння прамысловай кааперацыі, нарошчвання супрацоўніцтва ў розных галінах эканомікі, у тым ліку ў сельскай гаспадарцы, транспарце і лагістыцы, нафтахімічным комплексе, сферы высокіх тэхналогій.
Бакі таксама абмяркуюць супрацоўніцтва ў рамках інтэграцыйных аб'яднанняў і на міжнародных пляцоўках, рэгіянальны і сусветны парадак дня. Па выніках перагавораў будзе падпісаны пакет двухбаковых пагадненняў.
У гэтыя ж дні ў Нур-Султане адбудзецца казахстанска-беларускі бізнес-форум. У сталіцы Казахстана запланавана таксама адкрыццё новага комплексу будынкаў беларускай дыпмісіі.
Фота ў мініяцюры: БЕЛТА
Спасылкі
[1] https://zviazda.by/be/palityka
[2] https://zviazda.by/be/prezident
[3] http://president.gov.by/ru/news_ru/view/ofitsialnyj-vizit-v-kazaxstan-22233/
[4] https://zviazda.by/be/tags/kazahstan
[5] https://zviazda.by/be/tags/aliaksandr-luka%C5%A1enka
[6] https://zviazda.by/be/tags/aficyyny-vizit
[7] https://zviazda.by/be/tags/nur-sultan
[8] https://zviazda.by/be/tags/kasym-zhamart-takaeu