Беларусь атрымала паўнапраўнае членства ў Метрычнай канвенцыі і стала 62-й краінай-удзельніцай, піша [1] БЕЛТА са спасылкай на Дзяржаўны камітэт па стандартызацыі.
"Паўнапраўнае членства ў Метрычнай канвенцыі адкрывае вялікія магчымасці для нашай метралогіі і прамысловасці. З'яўляючыся паўнапраўным членам гэтай канвенцыі і актыўным удзельнікам генеральных канферэнцый па мерах і вагах, Беларусь можа ўдзельнічаць у ключавых параўнаннях на самым высокім узроўні і працаваць у тэхнічных камітэтах Міжнароднага бюро мер і вагаў (ВІРМ)", - адзначылі ў прэс-службе.
Паўнапраўнае членства дасць магчымасць Беларусі параўноўваць свае эталоны з міжнароднымі і атрымліваць іх міжнароднае прызнанне.
"Вынікі вымярэнняў колькасці і якасці сыравіны і прадукцыі, параметраў бяспекі транспарту і навакольнага асяроддзя строга ўлічваюцца пры міжнародным гандлёва-эканамічным супрацоўніцтве", - растлумачылі ў Дзяржстандарце.
Метрычная канвенцыя - міжнародны дагавор, падпісаны сямнаццаццю краінамі ў Парыжы ў 1875 годзе. Да канвенцыі далучыліся 62 дзяржавы ў якасці паўнапраўных членаў і 40 краін - на правах асацыіраваных членаў. Беларусь з'яўлялася асацыіраваным членам Метрычнай канвенцыі з 2003 года.
Прэв'ю: news.tpu.ru
Спасылкі
[1] https://blr.belta.by/society/view/belarus-stala-paunapraunaj-udzelnitsaj-metrychnaj-kanventsyi-84694-2020/
[2] https://zviazda.by/be/tags/dzyarzhauny-kamitet-pa-standartyzacyi
[3] https://zviazda.by/be/tags/metralogiya
[4] https://zviazda.by/be/tags/metrychnaya-kanvencyya
[5] https://zviazda.by/be/tags/gandal
[6] https://zviazda.by/be/tags/pradukcyya