Міністэрства антыманапольнага рэгулявання і гандлю ўвяло дзяржаўнае рэгуляванне цэн на медыцынскія маскі і дэзінфікуючыя (антыбактэрыйныя, абеззаражваючыя) сродкі. Адпаведную пастанову МАРГ ад 6 красавіка 2020 года №27 афіцыйна апублікавана сёння на Нацыянальным прававым інтэрнэт-партале [1].
Гранічны нарматыў рэнтабельнасці для вызначэння сумы прыбытку, які ўключаецца ў адпускныя цэны вытворцаў, усталяваны ў памеры 10%.
Пры гэтым лімітавая максімальная надбаўка імпарцёра на маскі і дэзінфікуючыя сродкі вызначана ў памеры 10%. Лімітавую максімальную гандлёвую надбаўку (з улікам аптовай надбаўкі) да адпускной цаны вытворцы (імпарцёра) на гэтыя тавары ўсталявалі ў памеры 15%.
Устаноўлена, што цэны на маскі і дэзінфікуючыя сродкі фармуюцца з улікам кан'юнктуры рынку, але не вышэй абмежаванняў, прадугледжаных дакументам.
Пастанова ўступае ў сілу пасля яго афіцыйнага апублікавання і дзейнічае на працягу 90 дзён.
Спасылкі
[1] http://pravo.by
[2] https://zviazda.by/be/tags/marg
[3] https://zviazda.by/be/tags/medycynskiya-maski
[4] https://zviazda.by/be/tags/maski
[5] https://zviazda.by/be/tags/antyseptyki
[6] https://zviazda.by/be/tags/antyseptyk