Акцёр Міхаіл Яфрэмаў заявіў у ходзе пасяджэння суда, што не прызнае віну ў прычыненні смерці [1] кур’еру Сяргею Захараву. Пра гэта паведамляе [2] ТАСС з залы Прэсненскага суда Масквы, дзе ў сераду пачаўся працэс па справе артыста.
«Як жа я магу прызнаць сябе вінаватым, калі я нічога не памятаю», — сказаў Яфрэмаў.
«Мы нават просім суд дапамагчы нам. Можа, Яфрэмаў у ходзе пасяджэння ўспомніць усе падзеі той ночы», — адзначыў яго адвакат Эльман Пашаеў.
Увечары 8 чэрвеня на Смаленскай плошчы ў Маскве Яфрэмаў на вялікай хуткасці выехаў на сустрэчную паласу і лоб у лоб сутыкнуўся з фургонам, кіроўца якога, 57-гадовы курьер Сяргей Захараў, на наступную раніцу памёр у бальніцы. У крыві Яфрэмава пасля ДТЗ, акрамя вялікай дозы алкаголю, былі выяўленыя сляды наркатычных рэчываў, у тым ліку какаіну. Яму прад’яўлена абвінавачанне ў парушэнні правілаў дарожнага руху, якое пацягнула па неасцярожнасці смерць чалавека і ўчыненым у стане ап’янення. Артысту пагражае ад 5 да 12 гадоў калоніі.
Прэв’ю: ТАСС
Спасылкі
[1] http://zviazda.by/be/news/20200609/1591680521-rasiyski-akcyor-mihail-yafremau-zdzeysniu-u-necvyarozym-stane-dtz-sa
[2] https://tass.ru/proisshestviya/9125437
[3] https://zviazda.by/be/tags/avaryya
[4] https://zviazda.by/be/tags/dtz
[5] https://zviazda.by/be/tags/mihail-yafremau