Міліцыянеры Цэнтральнага РУУС г. Мінска затрымалі гараджаніна, які скраў будаўнічы інструмент у адной са сталічных крам.
У ходзе правядзення аператыўна-вышуковых мерапрыемстваў супрацоўнікі крымінальнага вышуку ўстанавілі асобу выкрадальніка. Ім аказаўся раней неаднаразова судзімы, у тым ліку за маёмасныя злачынствы, непрацуючы 32-гадовы мінчанін.
Са слоў затрыманага, ён адправіўся ў сталічную краму з мэтай крадзяжу будаўнічага інструмента. Падышоўшы да стэлажоў, мужчына выбраў яго і змясціў у поліэтыленавы пакет, які прынёс з сабой. Пасля гэтага мінчанін накіраваўся ў павільён, дзе размешчаны прадметы садаводства, і праз шчыліну паміж павільёнам і сцяной крамы выставіў пакет з выкрадзеным інструментам на вуліцу. Выйшаўшы з крамы, мужчына забраў выкрадзеную маёмасць, якую прадаў па цане ніжэй рынкавай, а атрыманыя грашовыя сродкі выдаткаваў на асабістыя патрэбы. Па інфармацыі ГУУС Мінгарвыканкама, сума шкоды склала 500 рублёў.
У аператыўнікаў ёсць усе падставы меркаваць, што затрыманы можа быць датычны і да іншых эпізодаў крадзяжу маёмасці, здзейсненым падобным спосабам.
Сяргей РАСОЛЬКА
Прэв’ю: pervo.ru
Спасылкі
[1] https://zviazda.by/be/tags/kradzezh
[2] https://zviazda.by/be/tags/krama
[3] https://zviazda.by/be/tags/milicyya