7 кастрычніка аператыўнікі наркакантролю ў Калінкавічах затрымалі непрацуючага раней судзімага 30-гадовага мясцовага жыхара. У ходзе асабістага ператрусу ў яго знайшлі скрутак з рэчывам расліннага паходжання, паведамляе МУС [1].
На наступны дзень міліцыянеры праверылі прыватны дом, дзе пражывае мужчына. Там знайшлі аналагічную траву вагой амаль 190 грамаў. Эксперт ДКСЭ даў заключэнне, што гэта марыхуана. Высветлілася, што ўладальнік захоўваў канабіс для асабістага ўжывання.
На днях следчыя далі прававую ацэнку дзеянням наркаспажыўца. Па факце незаконнага абароту наркатычных сродкаў распачата крымінальная справа.
Спасылкі
[1] https://gomel.mvd.gov.by/ru/news/4241
[2] https://zviazda.by/be/tags/kalinkavichy
[3] https://zviazda.by/be/tags/narkotyki