Беларусь з 1 лістапада зніжае экспартныя пошліны на нафту і нафтапрадукты, якія вывозяцца за межы мытнай тэрыторыі Еўразійскага эканамічнага саюза. Гэта прадугледжана пастановай Савета Міністраў ад 27 кастрычніка 2020 года нумар 612, паведамляе [1] БЕЛТА са спасылкай на Нацыянальны прававы інтэрнэт-партал.
Згодна з дакументам стаўка экспартнай пошліны на сырую нафту складзе $42,2 за 1 т (раней — $45,4).
Пошліна на прамагонны бензін устаноўлена на ўзроўні $23,2 за 1 т (раней — $24,9). На таварныя бензіны, лёгкія і сярэднія дыстыляты яна складзе $12,6 за 1 т (раней — $13,6), такая ж пошліна ўстаноўлена адносна дызельнага паліва, бензолу, талуолу, ксілолаў, змазачных і іншых масел.
Раней стаўкі вывазных мытных пошлін у адносінах да сырой нафты і асобных катэгорый тавараў, выпрацаваных з нафты, змяняліся 1 кастрычніка. Тады яны таксама былі зніжаны.
Прэв’ю: eadaily.com
Спасылкі
[1] https://blr.belta.by/economics/view/belarus-z-1-listapada-znizhae-ekspartnyja-poshliny-na-naftu-i-naftapradukty-93157-2020/
[2] https://zviazda.by/be/tags/nafta
[3] https://zviazda.by/be/tags/naftapradukty