28 кастрычніка паблізу ўкраінскай мяжы ў раёне населенага пункта Забозье Ельскага раёна манеўранай групай Мазырскага пагранатрада блакаваная і затрыманая група радыкальна настроеных асоб з анархісцкага руху. Пра гэта паведамілі [1] ў тэлеграм-канале Дзяржаўнага пагранічнага камітэта.

У чацвярых затрыманых выяўлена:

• дзве адзінкі агнястрэльнай зброі з боепрыпасамі;
• баявая ручная граната;
• траўматычны пісталет і патроны да яго;
• халодная зброя і балончыкі з пярцовым газам;
• форма і заплечнікі ваеннага ўзору;
• палаткі, сапёрная рыдлёўка, сякера, ліхтары;
• ноўтбукі і планшэты, GPS-трэкеры, відэарэгістратары;
• фотакамера, флэш-назапашвальнікі;
• sim-карта ўкраінскага сотавага аператара, сродкі радыёсувязі з гарнітурамі схаванага нашэння;
• іншая спецыяльная экіпіроўка і снаражэнне, прадукты харчавання, банкаўскія карты і грашовыя сродкі ў розных валютах.

У цяперашні час сумеснай следча-аператыўнай групай праводзіцца комплекс мерапрыемстваў, накіраваных на ўстанаўленне ўсіх абставінаў дзейнасці затрыманых.

Прэв’ю: newsbel.by