З гэтай нагоды 26—27 лістапада тут ладзяць Міжнародную навукова-практычную канферэнцыю «Дзяржава і права ў XXІ стагоддзі», паведамляецца на сайце pravo.by.
Юрфак Белдзяржуніверсітэта лічыцца вядучым падраздзяленнем, якое на працягу амаль стагоддзя рыхтуе спецыялістаў юрыдычнага профілю і займае лідзіруючыя пазіцыі ў сферы прафесійнай юрыдычнай адукацыі ў краіне.
На мерапрыемстве мяркуецца разгледзець актуальныя пытанні ўстойлівага развіцця дзяржавы і права ва ўмовах пандэміі, лічбавізацыі краіны і права і звязаныя з гэтым праблемы і перспектывы, а таксама пагаварыць пра ўдасканаленне заканадаўства і правапрымянення ў кантэксце рэгіянальнай інтэграцыі.
У межах канферэнцыі будзе арганізавана і работа па тэматычных секцыях: «Тэарэтыка-гістарычныя і канстытуцыйныя асновы развіцця дзяржавы і права», «Актуальныя праблемы грамадзянскага, працоўнага, фінансавага права і цывілістычнага працэсу ў XXІ стагоддзі», «Тэндэнцыі і актуальныя праблемы развіцця крымінальна-прававой, крымінальна-працэсуальнай, крыміналістычнай навукі і ўдасканаленне правапрымяняльнай дзейнасці», «Уклад аграрна-прававой, адміністрацыйна-прававой, міжнародна-прававой і эколага-прававой навукі ў забеспячэнне ўстойлівага развіцця».
Сустрэча адбудзецца ў вочным і завочным фарматах, а па яе выніках выдадуць зборнік матэрыялаў.
Ірына СІДАРОК
Спасылкі
[1] https://zviazda.by/be/tags/iryna-sidarok-0
[2] https://zviazda.by/be/gramadstva
[3] https://zviazda.by/be/adukacyya
[4] https://zviazda.by/be/tags/adukacyya
[5] https://zviazda.by/be/tags/bdu