Дэлегацыя Магілёўскай вобласці ў складзе беларускай рабочай групы на чале са старшынёй Магілёўскага аблвыканкама Леанідам Зайцам наведвае Прыморскі край, паведамляе камітэт эканомікі Магілёўскага аблвыканкама. 

У складзе дэлегацыі прадстаўнікі вядучых прадпрыемстваў рэгіёна — «Бабруйскаграмаш», «Магілёўліфтмаш», «Чырвоны харчавік», «Бабуліна крынка», «Магілёўскі мясакамбінат», «Белшына» і іншыя.

Адна з асноўных задач візіту — узгадненне з расійскім бокам арганізацыйнай структуры і сістэмы кіравання адзінага цэнтра па пастаўцы і абслугоўванню тэхнікі беларускай вытворчасці, гандлёвага дома па продажы беларускіх тавараў. Сярод прыярытэтных напрамкаў — прапрацоўка пытання ўдзелу айчынных будаўнічых арганізацый ва ўзвядзенні сацыяльна-культурных аб’ектаў і жылля на тэрыторыі Прыморскага краю, усталяванне супрацоўніцтва паміж Магілёвам і Уладзівастокам.

Па выніках студзеня—верасня знешнегандлёвы абарот тавараў Беларусі і расійскага рэгіёну склаў 12,1 мільёна долараў, экспарт —10,7 мільёна, — 1,4 мільёна рублёў. Сальда знешняга гандлю сфарміравалася дадатнае на ўзроўні 9,3 мільёна долараў.

Нэлі ЗІГУЛЯ

Фота з сайта primorsky.ru