Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава
Інтэрвальнае галаданне — адзін з самых модных кірункаў у сучаснай дыеталогіі. З аднаго боку гэта цудоўная магчымасць снікуць вагу, асабліва пасля багатых каларыйных застолляў падчас святаў, з другога паменшыць узровень інсуліна ў крыві, абудзіць метабалізм, аздаравіць сэрца і сасуды. Аздараўленчы эфект дыеты заснаваны на механізме аўтафагіі. Дзякуючы яму, у арганізме чалавека адбываецца пераапрацоўка і вывядзенне «смецця», якое назапасілі клеткі.
«Інтэрвальнае галаданне — гэта сапраўдная палачка-ратавалачка для жанчын, якім трэба паменшыць аб’ёмы цела за кароткі перыяд» — лічыць Марыя Лемешава. Вядомая беларуская тэлевядучая дзеліцца сваімі ўражаннямі ад дыеты. «Падчас галадання арганізм вельмі хутка губляе ваду, і візуальна вынік уражвае. Акрамя гэтага, з’яўляецца неверагоднае пачуццё лёгкасці». Нягледзячы на эстэтычны бок пытання і той тэрапеўтычны эфект, якога можна дасягнуць пры дапамозе інтэрвальнага галадання, Марыя прыйшла да высновы: ў якасці штодзённай сістэмы харчавання такая методыка ёй не падыходзіць. «Мілыя дамы, калі хочаце паспрабаваць тую ці іншую дыету, спрабуйце, але ў аснове вашых жаданняў перш за ўсё павінны быць усведамлённасць і адказнасць.
1. Пачніце з супрацьпаказанняў!
Інтэрвальнае галаданне не падыходзіць для людзей з праблемамі страўнікава-кішэчнага тракта і артэрыяльнага ціску, цукровым дыябетам, гастрытам, язвай, панкрэатытам, псіхічнымі парушэннямі, для цяжарных і кормячых жанчын, а таксама дзяцей. Гэта трэба абавязкова ўлічваць.</p>
2. Вывучыце правілы дыеты!
Спачатку вырашаем, які інтэрвал абраць: 16/8 ці 20/4.
16/8 — 16 гадзін у суткі галадаем, 8 гадзін можна есці. Інтэрвал 20/4 больш жорсткі: 20 гадзін галадаем, 4 гадзіны ў суткі можна ўжываць ежу.
Наступны крок: вызначыць, на які час прыдзецца асноўны перыяд галадання.
У выпадку з Марыяй — гэта вечар і ноч: з 16:00 да 7:00 раніцы наступнага дня. Сняданак для тэлевядучай — закон.</p>
3. Складзіце збалансаване меню!
Адкіньце думкі пра тое, што на працягу інтэрвала ў 8 гадзін вы можаце есці што заўгодна і любых аб’ёмах. Перааданне не паспрыяе дасягненню вашых мэтаў. Меню павінна быць прадуманым. У якасці прыклада Марыя прапануе сваё меню на адзін дзень з інтэрвальным галаданнем. </p>
Грэчка з раслінным алеем, два вараныя яйкі, гарбата
Тоставы хлеб з авакада або адзін фрукт з арэхамі
Порцыя супа, мяса (рыба) з гарнірам (гародніна ці крупа)
Батончык «Мюслі»
Дазваляецца ўжыванне цёплай вады, гарбаты і травяных настояў без цукру.
Важна! На працягу дня тэлевядучая прытрымліваецца пітнога рэжыму: чыстая вада — 30 мл на 1 кг вагі. Акрамя таго, у рацыёне Марыі адсутнічае алкаголь, а кава бывае вельмі рэдка.
4. Настройцеся псіхалагічна!
Да інтэрвальнага галадання трэба рыхтавацца, — лічыць Марыя Лемешава, — каб пазбегнуць дадатковага стрэса. Наш арганізм заўсёды памятае ўсе тыя абмежаванні, якія мы яму навязваем. І ў выпадку моцнага стрэса можа нанесці зваротны ўдар. Таму псіхалагічны настрой — важная аснова поспеху!</p>
5. Прыслухоўвайцеся да сябе і аналізуйце стан свайго здароўя!
Страта вагі і жаданне жыць даўжэй — гэта адзін бок медаля. Вельмі важна кантраляваць сваё самаадчуванне: і псіхалагічнае, і фізіялагічнае. Калі вам цяжка класціся спаць з пачуццём голаду, а страўнік пачынае ныць, на гэта трэба рэагаваць, каб не справакаваць суръёзныя хваробы. Прыслухоўваючыся да свайго арганізму, Марыя зразумела, што інтэрвальнае галаданне ў якасці ладу жыцця для яе не падыходзіць. Аптымальна: адзін раз на тыдзень.
Кацярына ТУМАС-ЦІШКЕВІЧ
Фота з асабістага архіва Марыі ЛЕМЕШАВАЙ
Прэв’ю: medlife.com
Спасылкі
[1] https://zviazda.by/be/gramadstva
[2] https://zviazda.by/be/zdaroue-0
[3] https://zviazda.by/be/tags/dyeta
[4] https://zviazda.by/be/tags/harchavanne