Аранжавы ўзровень небяспекі аб'яўлены ў Беларусі 27 студзеня з-за моцнага ветру, паведамілі [1] ў Белгідрамеце.
У сераду будзе воблачна, пройдуць ападкі (у асноўным снег, мокры снег). У начныя і ранішнія гадзіны месцамі чакаюцца моцныя ападкі, мяцеліца, днём у асобных раёнах — наліпанне мокрага снегу.
На асобных участках дарог магчыма галалёдзіца. Вецер прагназуецца пераменных напрамкаў 6-11 м / с, з парывамі да 14 м / с, ноччу і раніцай на большай частцы тэрыторыі краіны — да 15-20 м / с, у асобных раёнах — да 21-23 м / с.
Тэмпература паветра на працягу сутак складзе ад мінус 3 да плюс 2 градусаў.
Спасылкі
[1] http://pogoda.by
[2] https://zviazda.by/be/tags/nadvore
[3] https://zviazda.by/be/tags/aranzhavy-uzroven-nebyaspeki