На некалькі дзён у сталіцы разгарнулася свята для сапраўдных аматараў літаратуры, пісьменнікаў і чытачоў. З 18 па 21 лютага ў выставычным комплексе «БелЭкспа» праходзіла XXVIII кніжная выстаўка-кірмаш.
На ўваходзе ў кожнага вымяралі тэмпературу і сачылі за выкананнем масачнага рэжыму. Калі ў кагосьці маскі не было, яе выдавалі бясплатна. Але ж наведвальнікаў можна пахваліць: усе ставіліся да правілаў з павагай, маскі амаль што не здымалі.
Акрамя стэндаў розных выдавецтваў і крамаў, на выставе працаваў своеасаблівы фудкорт: некалькі месцаў, дзе можна паесці і адпачыць.
Наведвальнікам таксама прапаноўваліся розныя актыўнасці. Напрыклад, каля іранскага стэнда жадаючым рабілі прыгожую персідскую каліграфію, ля адной з крам гулялі ў шахматы, выдавецтва «Вышэйшая школа» дарыла кнігі у абмен за вершы. А яшчэ наведвальнікаў чакалі зніжкі, аўтограф-сесіі і прэзентацыі.
Іван САЗОН
Фота і відэа аўтара
Спасылкі
[1] https://zviazda.by/be/gramadstva
[2] https://zviazda.by/be/tags/knigi
[3] https://zviazda.by/be/tags/minsk