Кіруючая кампанія холдынгу «Белфармпром» і Цэнтр экспертыз і выпрабаванняў у ахове здароўя падпісалі мемарандум аб супрацоўніцтве. Таксама падпісаная дарожная карта па прывядзенню рэгістрацыйнага дасье лекавага прэпарата ў адпаведнасць з нормамі ЕАЭС, паведамілі [1] ў тэлеграм-канале Міністэрства аховы здароўя.
Стратэгіяй развіцця «Вытворчасць асноўных фармпрадуктаў і фармпрэпаратаў» прадугледжаны пераход да патрабаванняў ЕАЭС у рэгістрацыі лекавых сродкаў. Спецыялістам трэба будзе прывесці фармвытворчасці ў адпаведнасць з патрабаваннямі належнай вытворчай практыкі ЕАЭС і арганізаваць іх інспектаванне. Акрамя таго, будуць праведзены дадатковыя выпрабаванні лекавых прэпаратаў (хіміка-фармацэўтычныя, даклінічныя, клінічныя (біяэквівалентныя). Мерапрыемствы па пераходзе ўключаны ў стратэгіі развіцця арганізацый-удзельнікаў холдынгу да 2025 года.
Спецыялісты кіруючай кампаніі сфармавалі план-графік падачы рэгістрацыйных дасье. За 2021-2025 гады запланавана рэгістрацыя ў адпаведнасці з патрабаваннямі ЕАЭС каля 1,6 тыс. новых лекавых прэпаратаў.
Спасылкі
[1] https://web.telegram.org/#/im?p=@minzdravbelarus
[2] https://zviazda.by/be/tags/leki
[3] https://zviazda.by/be/tags/eaes