Пастановай Савета Міністраў ад 25 лютага 2021 года нумар 111 у Беларусі прадугледжана змяненне ставак экспартных пошлін на нафту і нафтапрадукты, якія вывозяцца за межы мытнай тэрыторыі Еўразійскага эканамічнага саюза, паведамляе БЕЛТА [1] са спасылкай на Нацыянальны прававы партал.
Згодна з дакументам, стаўкі экспартных пошлін павышаюцца на сырую нафту, мазут, бітум нафтавы, вазелін і парафін, адпрацаваныя нафтапрадукты - да $49,6 за 1 т (раней - $43,8); прамагонны бензін - да $27,2 за 1 т (раней - $24); таварныя бензіны, дызельнае паліва, лёгкія, сярэднія дыстыляты, бензол, талуол, ксілолы, масла змазачнае - да $14,8 за 1 т (раней - $13,1).
Пастанова ўступае ў сілу з 1 сакавіка 2021 года.
Спасылкі
[1] https://blr.belta.by/economics/view/ekspartnyja-poshliny-na-naftu-i-naftapradukty-pavyshajutstsa-u-belarusi-z-1-sakavika-97267-2021/
[2] https://zviazda.by/be/tags/naftapradukty