У Беларусі для вакцынацыі ад каранавіруснай інфекцыі даступныя некалькі вакцын — расійскія «Спадарожнік V» і «Спадарожнік Лайт» і адна кітайскай вытворчасці. Аб гэтым паведаміла намеснік галоўнага ўрача Рэспубліканскага цэнтра гігіены, эпідэміялогіі і грамадскага здароўя Ірына Глінская, перадаюць [1] «Мінск-Навіны».
— Вядуцца перамовы па пастаўках вакцын іншых вытворцаў. І магчыма, у бліжэйшы час гэта адбудзецца — адзначыла І.Глінская. — Але самая добрая вакцына — тая, што ўведзена своечасова, да моманту сустрэчы арганізма з узбуджальнікам. Яна самая якасная і аптымальная. Можна чакаць розныя назвы вакцын, пытанне ў тым, ці паспее чалавек не захварэць да гэтага моманту?
І. Глінская падкрэсліла, што прэпараты, якія цяпер ёсць у Беларусі для вакцынацыі ад каронавіруса, эфектыўныя і бяспечныя, з поспехам прымяняюцца ў розных краінах.
— На мой погляд, чакаць якую-небудзь іншую вакцыну немэтазгодна, — сказала І.Глінская.
Таксама спецыяліст нагадала, што асноўны курс вакцынацыі ад ковіда — гэта два прышчэпкі з інтэрвалам мінімум тры тыдні.
Прэв’ю: pixabay.com
Спасылкі
[1] https://minsknews.by/nazvany-luchshaya-vakczina-ot-covid-19-i-chislo-zabolevshih-v-belarusi-posle-privivki-novoe-o-koronaviruse-na-21-oktyabrya/
[2] https://zviazda.by/be/tags/spadarozhnik-v-0
[3] https://zviazda.by/be/tags/spadarozhnik-layt-0
[4] https://zviazda.by/be/tags/iryna-glinskaya
[5] https://zviazda.by/be/tags/vakcynacyya
[6] https://zviazda.by/be/tags/karanavirus