Прэзідэнты Беларусі і Азербайджана Аляксандр Лукашэнка і Ільхам Аліеў 8 лістапада правялі тэлефонную размову. Аб гэтым паведамляе [3] БелТА са спасылкай на прэс-службу Прэзідэнта.
Кіраўнікі дзяржаў пацвердзілі стратэгічны характар двухбаковага супрацоўніцтва; разгледзелі ход рэалізацыі дамоўленасцяў, дасягнутых падчас перамоў двух прэзідэнтаў у красавіку ў Баку; абмеркавалі перспектывы ўдзелу беларускіх кампаній у рэалізацыі маштабных узаемавыгадных праектаў на тэрыторыі Азербайджана.
Аляксандр Лукашэнка адзначыў той факт, што год таму завяршылася шматгадовае супрацьстаянне паміж Азербайджанам і Арменіяй. Асабліва звярнуў увагу на важнасць распачатага працэсу мірнага будаўніцтва, які ідзе на карысць абодвум краінам.
Аляксандр Лукашэнка падкрэсліў, што аднаўленне транспартных камунікацый і эканамічнага ўзаемадзеяння на Паўднёвым Каўказе павінна стаць асновай трывалага міру ў рэгіёне і забяспечыць дабрабыт і бяспеку ўсіх народаў, якія пражываюць там.
Прэзідэнт Беларусі таксама выказаў спачуванні родным і блізкім усіх ахвяр шматгадовага карабахскага канфлікту і адзначыў выключную важнасць прынятага год таму пры пасярэдніцтве Расіі заявы, якая спыніла кровапраліцце.
Акрамя таго, кіраўнік беларускай дзяржавы паведаміў свайму калегу, што ў знак дружбы беларускага і азербайджанскага народаў у Мінску будзе ўсталяваны помнік ураджэнцу горада Гянджа, выдатнаму паэту і мысляру Нізамі Гянджаві. Сёлета яго 880-годдзе шырока адзначаецца ў Азербайджане і за мяжой.
Фота БелТА
Спасылкі
[1] https://zviazda.by/be/palityka
[2] https://zviazda.by/be/prezident
[3] https://www.belta.by/president/view/lukashenko-i-aliev-proveli-telefonnyj-razgovor-468419-2021/
[4] https://zviazda.by/be/tags/belarus
[5] https://zviazda.by/be/tags/azerbaydzhan
[6] https://zviazda.by/be/tags/aliaksandr-luka%C5%A1enka
[7] https://zviazda.by/be/tags/ilham-alieu
[8] https://zviazda.by/be/tags/prezident
[9] https://zviazda.by/be/tags/telefonnaya-razmova-0