Неабходна строга выконваць патрабаванні інструкцыі пры выкарыстанні піратэхнікі, каб засцерагчы сябе ад траўматызму, паведамілі [1] ва УУС Гродзенскага аблвыканкама.

«Набываючы піратэхнічныя вырабы, пераканайцеся, што тавар сапраўды завадскога паходжання: папытаеце ў прадаўца сертыфікат адпаведнасці, пацікаўцеся інструкцыяй па выкарыстанні, якая павінна размяшчацца на вырабе на рускай або беларускай мове. Каб засцерагчы сябе ад траўматызму пры выкарыстанні піратэхнікі, неабходна строга выконваць патрабаванні інструкцыі, дзе ўказаны ўзроставы крытэрый асоб, якія дапускаюцца да выкарыстання таго ці іншага вырабу. Для ўстаноўкі феерверку лепш звярнуцца да прафесіяналаў», — адзначылі ў ведамстве.

Акрамя абмежаванняў месц рэалізацыі піратэхнічных вырабаў заканадаўствам забараняецца продаж піратэхнічных вырабаў непаўналетнім ва ўзросце да 15 гадоў. За незаконнае выкарыстанне і рэалізацыю піратэхнічных сродкаў прадугледжана адміністрацыйная і крымінальная адказнасць.

Адміністрацыйная адказнасць непаўналетніх за выкарыстанне піратэхнічных вырабаў у грамадскіх месцах надыходзіць з 14 гадоў. Гэтыя супрацьпраўныя дзеянні прыводзяць да накладання штрафу ў памеры ад дзвюх да 30 базавых велічынь або грамадскія работы, або адміністрацыйны арышт (дробнае хуліганства — арт.19.1 КаАП).

Прэв’ю: pexels.com