Бабруйскімі супрацоўнікамі БЭЗ і ДАІ быў затрыманы грузавы аўтамабіль, які перавозіў больш за 13 тон лому чорнага металу. Дакументаў на груз не было, а пазней высветлілася, што металалом дастаўляўся для рэалізацыі ў Расійскую Федэрацыю.
Супрацоўнікамі міліцыі ўстаноўлена, што лом металу належыць прадпрыемству, зарэгістраванаму ў Мінскай вобласці. Набытыя восенню мінулага года былыя ў карыстанні чатыры металічныя ёмістасці, работнікі таварыства дэмантавалі і разрэзалі на лісты, маючы намер прадаць як металалом, паведамляе УУС Магілёўскага аблвыканкама..
Груз на агульную суму больш за 82 тысячы рублёў канфіскаваны. Па факце незаконнай прадпрымальніцкай дзейнасці ў адносінах да кіраўніцтва прадпрыемства складзены пратакол аб адміністрацыйным правапарушэнні. Ім пагражае штраф у памеры да пяцісот базавых велічыняў
Сяргей РАСОЛЬКА
Прэв’ю: pixabay.com
Спасылкі
[1] https://zviazda.by/be/tags/bez
[2] https://zviazda.by/be/tags/dai
[3] https://zviazda.by/be/tags/nezakonnaya-pradprymalnickaya-dzeynasc