Прэзідэнт Беларусі Аляксандр Лукашэнка лічыць, што два тэрміны для прэзідэнцтва дастаткова. Аб гэтым ён заявіў сёння, адказваючы на пытанні запрошаных на Пасланне беларускаму народу і Нацыянальнаму сходу, перадае [1] БелТА.
Як прагучала ў зале, у топе абмяркоўваемых у грамадстве — пытанне аб тэрміне прэзідэнцкіх паўнамоцтваў. Бо ў новым праекце Канстытуцыі прадугледжваецца абмежаваць колькасць тэрмінаў прэзідэнцкіх паўнамоцтваў двума.
Аляксандр Лукашэнка растлумачыў, што ён прыхільнік двух тэрмінаў прэзідэнцтва. «Гэта вельмі цяжкая ноша. Калі працаваць па-сапраўднаму, за два тэрміны выпрацуецца так, што далей няма куды. Запомніце, што ў 38 гадоў вы больш Прэзідэнта не выбераце. Гэта будзе чалавек за 50. Таму калі ён да 70-ці яшчэ папрацуе Прэзідэнтам, гэта будзе нармальна», — растлумачыў ён.
«Многія спытаюць: „А ты?“ Ведаеце, сітуацыя так складвалася. І дзякуй богу, што тады мною былі прыняты адпаведныя рашэнні. Тады мне давялося дзейнічаць таму, што мяне не адпускала сітуацыя», — сказаў Прэзідэнт. Беларускі лідар растлумачыў, што ў прынцыпе «справа не ў тэрмінах». «Цяпер не сярэдзіна 1990-х, калі на прылаўках нічога не было, бандытызм захліснуў краіну. Мы выйшлі на рэферэндум. Я ўзгрузіў на сябе тую Канстытуцыю, якая і сёння са змяненнямі і дапаўненнямі дзейнічае. Сітуацыя цяпер іншая. Двух тэрмінаў дастаткова», — рэзюмаваў ён.
Прэв’ю: БелТА
Спасылкі
[1] https://blr.belta.by/president/view/lukashenka-lichyts-shto-dva-terminy-dlja-prezidentstva-dastatkova-109922-2022/
[2] https://zviazda.by/be/tags/aliaksandr-luka%C5%A1enka
[3] https://zviazda.by/be/tags/paslanne-belaruskamu-narodu-i-nacyyanalnamu-shodu