Гандбалісткі «Гомеля» чацвёрты раз запар сталі ўладальніцамі Кубка Беларусі, паведамляе [1] БелТА.
Сёння ў Навагрудку ў вырашальным паядынку 25-га па ліку кубкавага розыгрышу гамяльчанкі ўпэўнена перамаглі «БНТУ-БелАЗ» з вынікам 28:17. Для гандбалістак «Гомеля» гэта сёмы пераможны фінал у гісторыі.
У паўфінальных паядынках «БНТУ-БелАЗ» упэўнена перайграў саперніц з гарадзенскай «Городнічанкі» з лікам 33:20, а гандбалісткі «Гомеля» былі мацней брэсцкага клуба «Вікторыя-Бярэсце» — 37:24.
У гульні за бронзавыя ўзнагароды кубкавага турніру гарадзенскія гандбалісткі адолелі берасцейцаў з мінімальнай перавагай у ліку-33: 32.
Часцей за ўсіх Кубак краіны выйгравалі гандбалісткі «БНТУ — БелАЗа» — 16 разоў, двойчы перамагала «Гараднічанка».
У наступны ўік-энд у Магілёўскім спарткомплексе «Алімпіец» адбудзецца вырашальны этап розыгрышу Кубка Беларусі сярод мужчынскіх каманд. У паўфіналах 28 мая гандбалісты СКА згуляюць з «Гомелем», а «Мяшкоў Брэст» будзе сапернічаць з магілёўскім клубам «Машэка». Пераможцы паўфінальных сустрэч 29 мая разыграюць галоўны трафей, а тыя, хто прайграў, паспрачаюцца за бронзу кубкавага турніру.
Спасылкі
[1] https://www.belta.by/sport/view/gandbolistki-gomelja-stali-obladatelnitsami-kubka-belarusi-503347-2022/
[2] https://zviazda.by/be/tags/bfg
[3] https://zviazda.by/be/tags/sport
[4] https://zviazda.by/be/tags/gandbol