Гэты вернісаж размясціўся ў галоўнай зале Дома дружбы. На палотнах вядомых беларускіх майстроў і маладых мастакоў прыгожыя пейзажы, нацюрморты, партрэты жыхароў сонечнай Балгарыі. На адкрыцці прысутнічалі прадстаўнікі пасольства Балгарыі ў Беларусі, актывісты Беларускага таварыства дружбы і культурнай сувязі з замежнымі краінамі.
Выступаючы на адкрыцці выстаўкі, Надзвычайны і Паўнамоцны Пасол Балгарыі ў Беларусі Георгі Васілеў адзначыў, што экспазіцыя адлюстроўвае сяброўства народаў дзвюх дзяржаў, прыпыніць якое не здольныя ніякія палітычныя пытанні. Такога ж меркавання прытрымліваецца і загадчык кафедры гісторыі і тэорыі мастацтваў Беларускай дзяржаўнай акадэміі мастацтваў прафесар Яўгеній Шунейка.
Сярод напісанага з натуры ёсць таксама творы, дзе мастак пераносіць гледача ў далёкія часы, аднаўляючы на палатне вядомыя гістарычныя падзеі. Так карціна Яўгена Шунейкі паказвае момант размовы легендарнага генерала Іёсіфа Гурко з жыхарамі вызваленай Сафіі 4 студзеня 1878 года. Вядома, што гэты ваенаначальнік з’яўляўся прадстаўніком вядомага беларускага роду Гурко.
Да беларускіх аўтараў выставы далучыўся і ўжо вядомы беларускім аматарам жывапісу таленавіты кітайскі мастак Чжан Юнін, яго пейзажы паказваюць чароўныя пейзажы чарнаморскага ўзбярэжжа Балгарыі.
Яўген ПЯСЕЦКІ
Фота аўтара
Спасылкі
[1] https://zviazda.by/be/tags/yaugen-pyasecki
[2] https://zviazda.by/be/gramadstva
[3] https://zviazda.by/be/tags/dom-druzhby
[4] https://zviazda.by/be/tags/georgi-vasileu
[5] https://zviazda.by/be/tags/balgaryya
[6] https://zviazda.by/be/tags/vystauka
[7] https://zviazda.by/be/tags/iyosif-gurko
[8] https://zviazda.by/be/tags/yaugen-shuneyki