Прэзідэнт Беларусі Аляксандр Лукашэнка правёў нараду, прысвечаную эканоміі бюджэтных сродкаў. Удзел у ёй прынялі віцэ-прэм’ер Пётр Пархомчык, кіраўнік спраў Прэзідэнта Юрый Назараў, кіраўнікі Адміністрацыі Прэзідэнта Ігар Сергеенка і Камітэта Дзяржаўнага кантролю Васіль Герасімаў, губернатар Мінскай вобласці Аляксандр Турчын і міністр фінансаў Юрый Селівёрстаў.
«Калі мы часам эканомім бюджэтныя сродкі, то ўзнікаюць, як у савецкія часы іх называлі, нейкія „падснежнікі“. То мы людзей трымаем на вытворчасці, яны працуюць на бюджэтную арганізацыю, то мы выкарыстоўваем транспарт небюджэтнай арганізацыі і выкарыстоўваем гэты транспарт для вырашэння пытанняў бюджэтнага характару. А дакладней ніякія пытанні не вырашаюцца ў бюджэтным плане, а начальнікі патрабуюць аўтамабілі з падпарадкаваных прадпрыемстваў дзяржаўнай і прыватнай формы ўласнасці, каб вырашаць нейкія асабістыя пытанні. Гэта па той інфармацыі, якую я атрымліваю ў апошні час», — сказаў Прэзідэнт.
Ён акцэнтаваў увагу на тым, што бюджэтныя сродкі трэба накіроўваць туды, куды трэба. «Гэта грошы народныя, прадпрыемствы іх плацяць і людзі падаходны падатак плацяць. Гэта грошы народныя і гэтыя грошы павінны выкарыстоўвацца на патрэбы нашых людзей», — канстатаваў беларускі лідар.
Валерыя СЦЯЦКО
Фота: БелТА
Спасылкі
[1] https://zviazda.by/be/palityka
[2] https://zviazda.by/be/prezident
[3] https://zviazda.by/be/tags/aliaksandr-luka%C5%A1enka
[4] https://zviazda.by/be/tags/narada
[5] https://zviazda.by/be/tags/ekanomika
[6] https://zviazda.by/be/tags/yuryy-nazarau
[7] https://zviazda.by/be/tags/ihar-sierhiejenka
[8] https://zviazda.by/be/tags/pyotr-parhomchyk
[9] https://zviazda.by/be/tags/alyaksandr-turchyn
[10] https://zviazda.by/be/tags/yuryy-seliverstau