Творчае спаборніцтва двух вялікіх кампазітараў у Вялікім тэатры
«Спачатку Музыка, потым слова» — опера Сальеры. «Дырэктар тэатра» — опера Моцарта. Імёны абодвух кампазітараў, як і іх творы, сышліся ў адным вечары аднаактовых опер, якія прадстаўляюцца 28 верасня ў камернай зале імя Ларысы Александроўскай тэатра оперы і балета Беларусі.
Два лепшыя кампазітары Вены па прапанове імператара Іосіфа напісалі оперы на камічныя сюжэты, звязаныя з тэатральным жыццём. Выключна дзеля творчага спаборніцтва, выключна на радасць публіцы, якая паважала іх абодвух. Прычым у свой час Антоніа Сальеры карыстаўся ўвагай і пашанай нават большымі, чым Вольфганг Амадэй Моцарт. Аднак твор Пушкіна (які меў права на творчы вымысел) утварыў у свядомасці аматараў рускай паэзіі праблему ўспрымання імені Сальеры. Але навошта таленавітаму кампазітару, якога любяць і паважаюць, зводзіць рахункі з тым, хто не замахваецца на яго славу, але варты сваёй?
Яны абодва ўступілі ў творчае спаборніцтва — праз напісанне гэтых опер, прэм'ера якіх адбылася ў 1786 годзе ў імператарскім палацы Шэнбрун. І Сальеры тады перамог: яго выбрала публіка.
Гісторыя дае шанц нешта паўтарыць. І, можа быць, нават змяніць, няхай і ў іншай краіне, праз стагоддзі. Цяпер беларуская публіка будзе вырашаць, чый твор ёй больш падабаецца. Гэта і ёсць асноўная інтрыга гэтых прэм'ер, закладзеная дырыжорам-пастаноўшчыкам Іванам Касцяхіным і рэжысёрам Наталляй Кузьмянковай. Дык Моцарт ці Сальеры?.. На гэты раз вырашаем мы.
Ларыса ЦІМОШЫК
Спасылкі
[1] https://zviazda.by/be/tags/larysa-cimoshyk
[2] https://zviazda.by/be/tags/zhyrandolya
[3] https://zviazda.by/be/tags/ivan-kascyahin
[4] https://zviazda.by/be/tags/vyaliki-teatr-belarusi
[5] https://zviazda.by/be/tags/nacyyanalny-akademichny-vyaliki-teatr-opery-i-baleta-belarusi
[6] https://zviazda.by/be/tags/volfgang-amadey-mocart
[7] https://zviazda.by/be/tags/opera-salery
[8] https://zviazda.by/be/tags/opera-mocart
[9] https://zviazda.by/be/tags/antonia-salera
[10] https://zviazda.by/be/tags/natallya-kuzmyankova