Пошукавы атрад грамадскага аб'яднання «Айчына» Рэспублікі Татарстан сумесна з беларускай пошукавай грамадскай арганізацыяй «Бацькаўшчына» ўжо некалькі тыдняў вядуць пошукі загінулых воінаў Вялікай Айчыннай вайны на тэрыторыі Зэльвенскага і Слонімскага раёнаў.
З Татарстана ў Беларусь прыехала каля 70 чалавек — у асноўным гэта студэнты вышэйшых навучальных устаноў рэспублікі, якія разам з беларусамі вядуць пошукі воінаў каля рэчкі Зальвянкі на Зэльвеншчыне, а таксама ў раёне Бяздоннага возера і ў вёсцы Клепачы на Слонімшчыне.
Акрамя гэтага, госці з Татарстана правялі Вахту памяці на мусульманскіх могілках у Слоніме. Яны не толькі памянулі загінулых воінаў-татар падчас Першай і Другой сусветных войнаў, але і дапамаглі слонімскім мусульманам падняць і ўстанавіць старыя помнікі на могілках. Па словах імама-старшыні аб'яднання мусульман Слонімшчыны Сулеймана Байрашэўскага, было ўстаноўлена каля 30 надмагільных помнікаў, сярод якіх адноўлены помнікі 1850, 1874, 1900 гадоў.
Сяргей ЧЫГРЫН. Фота аўтара.
Спасылкі
[1] https://zviazda.by/be/bez-rubriki
[2] https://zviazda.by/be/gazeta
[3] https://zviazda.by/be/gramadstva-0
[4] https://zviazda.by/be/pamyac
[5] https://zviazda.by/be/naviny-u-belarusi
[6] https://zviazda.by/be/tags/backaushchyna
[7] https://zviazda.by/be/tags/tatarstan
[8] https://zviazda.by/be/tags/aychyna