Рэспубліканскі творчы фотаконкурс "Фота Беларусі"
ЗАЦВЕРДЖАНА
загад
Міністэрства інфармацыі
Рэспублікі Беларусь
05.09. 2014 №276
ПАЛАЖЭННЕ
аб парадку правядзення рэспубліканскага творчага фотаконкурсу "Фота Беларусі"
ГЛАВА 1
АГУЛЬНЫЯ ПАЛАЖЭННІ
1. Гэтым Палажэннем устанаўліваецца парадак арганізацыі і правядзення рэспубліканскага творчага фотаконкурсу "Фота Беларусі" (далей -- конкурс).
2. Конкурс арганізуецца і праводзіцца Міністэрствам інфармацыі Рэспублікі Беларусь, Беларускім грамадскім аб'яднаннем "Фотамастацтва", грамадскім аб'яднаннем "Беларускі саюз журналістаў" (далей -- арганізатары конкурсу).
Конкурс з'яўляецца адкрытым.
3. Конкурс праводзіцца ў мэтах паказу гісторыі і сучаснасці Беларусі, садзейнічання выхаванню патрыятызму, грамадзянскасці, сцвярджэнні ў грамадстве высокіх маральных і эстэтычных ідэалаў, прапаганды духоўна-маральных каштоўнасцей беларускага народа.
Конкурс закліканы садзейнічаць павышэнню творчага ўзроўню прафесійных фотажурналістаў і фотааматараў, з дапамогай фотамастацтва прапагандаваць дасягненні Рэспублікі Беларусь.
ГЛАВА 2
АРГАНІЗАЦЫЯ КОНКУРСУ
4. Арганізатарамі конкурсу ствараецца аргкамітэт для ажыццяўлення арганізацыйна-тэхнічнай працы, у склад якога ўваходзяць прадстаўнікі Міністэрства інфармацыі Рэспублікі Беларусь, Беларускага грамадскага аб'яднання "Фотамастацтва", грамадскага аб'яднання "Беларускі саюз журналістаў" і іншых зацікаўленых арганізацый.
5. Арганізатары конкурсу вызначаюць склад журы і экспертнай камісіі.
ГЛАВА 3
УДЗЕЛЬНІКІ КОНКУРСУ І КОНКУРСНЫЯ ПРАЦЫ
6. Удзельнікамі конкурсу могуць быць аўтары (фатографы), якія не з'яўляюцца арганізатарамі конкурсу, членамі журы, членамі экспертнай камісіі. Да ўдзелу ў конкурсе дапускаюцца прафесійныя фатографы і фотааматары з Рэспублікі Беларусь, а таксама для ўдзелу ў намінацыі "Беларусь вачыма сяброў" -- фатографы з замежных краін.
7. Для ўдзелу ў конкурсе прымаюцца мастацкія фатаграфіі (далей -- конкурсныя работы).
ГЛАВА 4
ТЭРМІНЫ І ЭТАПЫ ПРАВЯДЗЕННЯ КОНКУРСУ
8. Тэрміны правядзення конкурсу: верасень 2014 -- май 2015 года
8.1. Пачатак рэгістрацыі работ -- 30.09.2014.
8.2. Заканчэнне рэгістрацыі работ -- 28.02.2015.
8.3. Аб'яву рэзультатаў -- май 2015.
9. Этапы правядзення конкурсу:
9.1. прыём конкурсных работ і рэгістрацыя ўдзельнікаў конкурсу;
9.2. арганізацыйна-тэхнічная праца аргкамітэта. Праца экспертнай камісіі па адборы конкурсных работ у паўфінал;
9.3. папярэдняя (аддаленая) работа журы па ацэньванню конкурсных работ, адабраных экспертнай камісіяй у паўфінал;
9.4. пасяджэнне журы па вызначэнню фіналістаў і пераможцаў конкурсу;
9.5. урачыстая цырымонія ўзнагароджання пераможцаў конкурсу. Арганізацыя выставачнага турнэ.
ГЛАВА 5
НАМІНАЦЫІ КОНКУРСУ
10. Конкурс праводзіцца па наступных намінацыях:
10.1. гісторыка-культурная і духоўная спадчына Беларусі.
Беларускі народ мае глыбокія духоўныя і культурныя традыцыі. Беларусь беражліва захоўвае і прымнажае сваю гісторыка-культурную спадчыну. У намінацыі прадастаўляюцца конкурсныя работы, якія змяшчаюць аб'екты матэрыяльнай і духоўнай спадчыны беларускага народа;
10.2. чалавек і яго справа (жанравае фота).
Дадзеная намінацыя закліканая адлюстраваць дасягненні сучаснай Беларусі ў розных галінах эканомікі і сацыяльнай сферы. Працы могуць быць прадстаўлены, як у партрэтным жанры, так і ў праектным фотаапавяданні;
10.3. партрэт сучасніка.
Галоўнае багацце краіны -- людзі: дзеці, моладзь, старэйшае пакаленне, людзі розных прафесій і ўзростаў. Асобы, аблічча якіх складваецца ў беларускі характар, -- героі конкурсных работ гэтай намінацыі;
10.4. прырода Беларусі.
Намінацыя ўключае ў сябе пейзажныя фатаграфіі, якія паказваюць прыгажосць і гармонію дзікай прыроды, а таксама здымкі дзікіх жывёл і птушак у натуральных умовах. Работы будуць ацэньвацца па ступені мастацкасці і кампазіцыйнай завершанасці. Геаграфічнае становішча пункту здымку і выгляд ландшафту не з'яўляюцца вызначальнымі;
10.5. прэс-фота Беларусі.
Конкурс журналісцкай фатаграфіі. Тэматыка і жанравая разнастайнасць -- без абмежаванняў. Калі работы былі апублікаваныя, неабходна ўказаць дзе і калі;
10.6. арт-фота Беларусі.
Фатаграфія як мастацтва, дзе асаблівае значэнне мае светлавое, структурнае і графічнае рашэнне ўсёй кампазіцыі ў цэлым. Вітаюцца кадры, якія адлюстроўваюць жывыя аб'екты, дынаміку жыцця;
10.7. дзіцячы погляд.
У намінацыю прымаюцца конкурсныя работы аўтараў да 16 гадоў. Тэма вольная. Абмежаванне па ўзросце вызначаецца на дату завяршэння конкурсу.
Фатографы, якія ўдзельнічаюць у дадзенай намінацыі, не маюць права ўдзельнічаць у іншых намінацыях. Агульная колькасць работ, дасылаемых для ўдзелу ў гэтай намінацыі, не павінна перавышаць дзесяці;
10.8. фотаапавяданне.
У гэтай намінацыі прадастаўляюцца серыі з 4-5 фотаздымкаў, якія раскрываюць тэму аднаго аб'екта, месца, падзеі або з'явы. Серыйная здымка да ўдзелу ў дадзенай намінацыі не прымаецца. Важнае значэнне ў гэтай намінацыі мае тэкставае суправаджэнне;
10.9. Беларусь вачыма сяброў.
У гэтай намінацыі прымаюцца фотаработы грамадзян замежных дзяржаў аб Беларусі;
10.10. спецыяльныя намінацыі:
самы гумарыстычны кадр;
самы нечаканы (унікальны) кадр;
лепшы чорна-белы кадр;
10.11. гран-пры -- "Фатограф года".
Званне і галоўны прыз прысуджаюцца фатографу, які прадставіў найбольш арыгінальныя, эмацыйныя і запамінальныя кадры. Званне і галоўны прыз можа прысуджацца фатографам толькі з Беларусі, на падставе конкурсных работ, адабраных экспертнай камісіяй і па рашэнні журы. Званне і прыз могуць не прысуджацца, калі журы не абярэ аўтара, які адпавядае названым патрабаванням.
ГЛАВА 6
ПАРАДАК ПРАВЯДЗЕННЯ КОНКУРСУ І ЎЗНАГАРОДЖАННЕ ПЕРАМОЖЦАЎ
11. Удзельнікі конкурсу накіроўваюць свае конкурсныя работы на
е-mail: PHOTO@TIO.BY з указаннем намінацыі, назвы працы, месца фотаздымкі, прозвішча, імя аўтара, кантактных тэлефонаў.
12. Да конкурсных работ прад'яўляюцца наступныя тэхнічныя патрабаванні: фармат малюнкаў -- JPEG; памеры: для гарызантальных работ -- 1400 пікселяў па гарызанталі; для вертыкальных работ -- 1400 пікселяў па вертыкалі; памер файла -- не больш за 600 kB.
У выпадку, калі фатаграфія зроблена лічбавай фотакамерай без здымнай тэхнікі, колькасць пікселяў матрыцы камеры павінна быць не менш за 8 мільёнаў (8 Мпікс).
13. Конкурсныя работы не павінны мець якіх-небудзь аўтарскіх плашчакоў, аўтарскіх знакаў, дададзеных рамак і г.д.
14. Агульная колькасць фатаграфій, дасылаемых аўтарам на конкурс, не больш за 20. У кожнай намінацыі можа быць прадстаўлена не больш за 5 фатаграфій. Адна і тая ж фатаграфія не можа быць прадстаўлена больш чым у адной намінацыі.
15. Аргкамітэт пакідае за сабой права не прымаць да ўдзелу ў конкурсе фатаграфіі, калі яны не адпавядаюць патрабаванням, прадугледжаным пунктамі 11--14 гэтага Палажэння, а таксама, калі фатаграфія ўяўляе сабой кампіляцыю з некалькіх кадраў (дапускаецца прадастаўленне пашытых панарам у намінацыі "Прырода Беларусі").
Арганізатары конкурсу таксама пакідаюць за сабой права не прымаць да ўдзелу фатаграфіі, якія не адпавядаюць пэўнаму якаснаму і тэхнічнаму ўзроўню, без тлумачэння прычын.
16. Пасля рэгістрацыі конкурсных работ аргкамітэт накіроўвае ўдзельніку конкурсу пісьмо з пацвярджэннем.
17. Экспертная камісія на працягу ўсяго тэрміну прыёму конкурсных работ ажыццяўляе іх адбор у паўфінал. Кожны эксперт мае права галасаваць за неабмежаваную колькасць конкурсных работ. Па суме галасоў, атрыманых ад экспертаў, адбываецца паўфінальны адбор конкурсных работ.
18. Аўтарам конкурсных работ, якія прайшлі ў паўфінал, высылаецца спецыяльнае інфармацыйнае пісьмо. У двухтыднёвы тэрмін пасля паведамлення аўтары прадастаўляюць аргкамітэту файлы ў высокім разрозненні для друку фатаграфій.
19. На падставе паўфінальнага адбору і атрыманых экзэмпляраў конкурсных работ журы выбірае фіналістаў і пераможцаў конкурсу. На першым этапе журы працуе дыстанцыйна: праглядаюцца ўсе конкурсныя работы, адабраныя экспертамі ў паўфінал. У выпадку, калі хаця б адзін з членаў журы прагаласаваў за конкурсную працу, яна трапляе на фінальнае пасяджэнне журы ў адпаведнай намінацыі.
20. Пасля атрымання экземпляраў фатаграфій, праверкі сапраўднасці конкурсных работ і іх адпаведнасці конкурсным патрабаванням, аргкамітэт конкурсу прадастаўляе конкурсныя работы ў друкаваным выглядзе адзінага памеру для фінальнага пасяджэння журы. Таксама конкурсныя работы могуць дэманстравацца на спецыяльным маніторы. Усе члены журы працуюць адначасова. Колькасць ацэненых журы конкурсных работ не абмежавана і залежыць ад агульнага ўзроўню работ, якія ўдзельнічалі ў конкурсе і прайшлі папярэднія стадыі адбору.
21. Пераможцы конкурсу ў кожнай намінацыі ўзнагароджваюцца дыпломамі і каштоўнымі прызамі. У кожнай намінацыі вызначаецца пераможца і два лаўрэата.
22. Пераможца конкурсу ў намінацыі Гран-пры "Фатограф года" узнагароджваецца дыпломам і спецыяльным прызам.
23. Пераможца ў намінацыі "Прэс-фота Беларусі" атрымае магчымасць стажыравацца ў рэдакцыях вядучых сродкаў масавай інфармацыі Рэспублікі Беларусь.
24. Для пераможцаў конкурсу ў намінацыі "Беларусь вачыма сяброў" будзе арганізаваны фотапленэр па маляўнічых мясцінах Беларусі.
25. Фіналісты конкурсу могуць быць узнагароджаны асобнымі прызамі, прадстаўленымі юрыдычнымі або фізічнымі асобамі, якія пажадалі далучыцца да правядзення конкурсу.
26. Узнагароджанне пераможцаў конкурсу -- уручэнне дыпломаў і прызоў праводзіцца на ўрачыстай цырымоніі.
27. Лепшыя конкурсныя работы будуць прадстаўлены на фотавыставе "Фота Беларусі" і ўключаны ў аднайменны фотаальбом.
ГЛАВА 7
ПРАВА НА КОНКУРСНЫЯ ПРАЦЫ
28. Аўтару павінна належаць выключнае права конкурсную працу, якую ён прадастаўляе.
29. Адпраўляючы фатаграфіі на конкурс "Фота Беларусі", аўтар дае права арганізатарам конкурсу на выкарыстанне яго твора (конкурснай работы) у любых мэтах, звязаных з правядзеннем конкурсу, выданнем фотаальбома і правядзеннем наступных выстаў, у тым ліку на:
размяшчэнне конкурсных работ на любым участку фотапартала PHOTOVIEW.BY, сайтаў арганізатараў і ў афіцыйных групах у сацыяльных сетках;
прадастаўленне ў раздрукаваным або лічбавым выглядзе конкурсных работ для іх ацэнкі журы конкурсу;
экспаніраванне конкурсных работ фіналістаў у раздрукаваным або лічбавым выглядзе на выставах конкурсу "Фота Беларусі";
выкарыстанне конкурсных работ фіналістаў у любых друкаваных і электронных СМІ для інфармавання грамадскасці аб правядзенні конкурсу і яго выніках;
выкарыстанне конкурсных работ фіналістаў для падрыхтоўкі фотаальбомаў, інфармацыйных буклетаў, лічбавых носьбітаў і іншай прадукцыі, якая суправаджае конкурс і выставы і з'яўляецца неад'емнай часткай іх правядзення;
выкарыстанне конкурсных работ фіналістаў у будучыні для правядзення спецыялізаваных мерапрыемстваў, прысвечаных папулярызацыі конкурсу.
30. Арганізатары конкурсу абавязваюцца паказваць імя аўтара конкурснай работы пры яе выкарыстанні ў любым выглядзе.
31. Любое камерцыйнае выкарыстанне конкурсных работ магчыма толькі са згоды аўтара.
32. Выставачныя экзэмпляры, надрукаваныя за кошт сродкаў арганізатараў конкурсу "Фота Беларусі" для дэманстрацыі на выставе, застаюцца ў арганізатараў і могуць быць выкарыстаны імі ў рамках выставачных мерапрыемстваў, якія праводзяцца арганізатарамі з мэтай папулярызацыі беларускай фатаграфіі.
33. Прадстаўленне экзэмпляраў конкурсных работ аўтаматычна з'яўляецца згодай аўтара з умовамі конкурсу.
Спасылкі
[1] https://zviazda.by/be/gramadstva
[2] https://zviazda.by/be/gramadstva-0
[3] https://zviazda.by/be/tags/fotakonkurs