Сумесна з беларускай федэрацыяй гандбола газета «Прэсбол» з нагоды свайго 25-годдзя зладзіла сапраўднае спартыўнае свята.
Спачатку на пляцоўку Рэспубліканскага цэнтра алімпійскага рэзерву па гандболе выйшлі дзеткі, а пасля — каманда «Прэсбола», якой супрацьстаяла зборная беларускіх журналістаў, складзеная на базе тэлеканала «Беларусь 5». У матчы прыняў удзел і спецыяльны карэспандэнт «Звязды» Тарас Шчыры. А вось вароты прэсболаўцаў у тым ліку абараняў Сяргей Сафар'ян, першы намеснік старшыні Беларускай федэрацыі футбола. І рабіў гэта, між іншым, нядрэнна. Сяргей Вагаршакавіч не адзін раз выратоўваў каманду і адбіваў даволі непрыемныя кідкі. Першая палова прайшла ў напружанай барацьбе, аднак пасля перапынку прэсболаўцы ўсё ж такі перахапілі ініцыятыву і атрымалі перамогу з лікам 18:10.
Пасля завяршэння сустрэчы ўсіх прысутных чакаў яшчэ адзін сюрпрыз. Гледачам, а іх было нямала, прэзентавалі гандбольную «Каманду мары», якую склалі паспяховыя і вядомыя ў Беларусі дзяўчаты. Сярод іх — Міс Беларусі — 2008 Вольга Хіжанкова, спявачка Вера Карэтнікава, фатограф Дар'я Буракіна, лідар спартыўна-дабрачыннага праекта «Мары здзяйсняюцца» Настасся Касянкова, уладальніца Кубка свету па кікбоксінгу Карына Аляксандрава і іншыя. Дзяўчаты ўжо кінулі выклік расійскаму тэлеканалу «Матч ТБ», генеральным прадзюсарам якога выступае тэлевядучая Ціна Кандэлакі. Што ж, чакаем вестку з Масквы.
taras@zviazda.by [3]
Фота Сяргея НІКАНОВІЧА
Больш фота са свята можна ўбачыць тут [4]
Спасылкі
[1] https://zviazda.by/be/tags/yakau-zhurbin
[2] https://zviazda.by/be/sport
[3] mailto:taras@zviazda.by
[4] http://zviazda.by/be/news/20160116/1452961366-gazeta-presbol-adznachyla-svayo-25-goddze-spartyunym-svyatam
[5] https://zviazda.by/be/tags/sport
[6] https://zviazda.by/be/tags/gazeta-presbol
[7] https://zviazda.by/be/tags/yubiley
[8] https://zviazda.by/be/tags/spartyunae-svyata
[9] https://zviazda.by/be/tags/zhurnalist
[10] https://zviazda.by/be/tags/match
[11] https://zviazda.by/be/tags/belaruskaya-federacyya-futbola
[12] https://zviazda.by/be/tags/peramoga
[13] https://zviazda.by/be/tags/baracba
[14] https://zviazda.by/be/tags/gandbol