Гэты выпадак віцебскі школьнік Мікіта запомніць надоўга. У выніку ўсё абышлося, але хто ведае, чым магло скончыцца…
Набліжаўся вечар. Непадалёк ад вуліцы Будзёнага хлопчык пераходзіў дарогу. Два аўтамабілісты шлях яму саступілі, а трэці рухаўся па трамвайных пуцях і малога не бачыў. Дзякуй Богу, Сяргей Баталка, супрацоўнік Дэпартамента аховы, ішоў якраз за хлопцам і літаральна за долі секунд паспеў схапіць хлопца за ручку заплечніка, прыкрыць таго ад моцнага ўдара.
Як кажа Алена Гоман, старшы інспектар аддзела інфармацыі і грамадскіх сувязяў Дэпартамента аховы МУС РБ, Сяргей Баталка, між іншым, бацька двух братоў-блізнятак, застаўся без значных траўмаў, хоць і атрымаў пашкоджанне галёнкі. Шасцікласнік не пацярпеў, адчувае сябе добра. А вось што да кіроўцы, ён так і не здолеў растлумачыць сваю спешку і быў прыцягнуты да адміністрацыйнай адказнасці.
taras@zviazda.by [4]
Спасылкі
[1] https://zviazda.by/be/tags/yakau-zhurbin
[2] https://zviazda.by/be/gramadstva
[3] https://zviazda.by/be/zdarenni
[4] mailto:taras@zviazda.by
[5] https://zviazda.by/be/tags/milicyyaner
[6] https://zviazda.by/be/tags/naezd-na-dzicya
[7] https://zviazda.by/be/tags/dtz
[8] https://zviazda.by/be/tags/departament-ahovy