Першы самалёт "Белавія" ў фірменных колерах World of Tanks прызямліўся ў Нацыянальным аэрапорце Мінск.
Танк - ключавы элемент гульні, выкананы на паветраным судне ў выглядзе арнаменту. Сам самалёт чорнага колеру з аранжавымі ўстаўкамі, што сустракаецца не часта. І наогул, як падкрэслілі арганізатары мерапрыемства, перафарбоўка самалёта ва ўнікальную ліўрэю - даволі рэдкая з'ява. Для авіякампаніі "Белавія" і World of Tanks - гэта першы такі праект. Асноўная ідэя брэндзіраванай ліўрэі - паказаць, што гульня, вядомая ва ўсім свеце, родам з Беларусі.
Для афарбоўкі самалёта было выкарыстана 300 л фарбы і 450 кв.м трафарэтаў. Пры афарбоўцы было задзейнічана 13 спецыялістаў, а сам працэс заняў 1800 чалавека-гадзін. Работы праводзіліся кругласутачна на адным з заводаў у Чэхіі.
Паветранае судна ў ліўрэі World of Tanks будзе эксплуатавацца на ўсіх лініях маршрутнай сеткі "Белавія". Першы свой рэйс брэндзіраваны борт зробіць па маршруце Мінск-Масква-Мінск.
БЕЛТА [2]
ФОТА: sputnik.by [3]
Спасылкі
[1] https://zviazda.by/be/gramadstva
[2] http://www.belta.by/
[3] mailto:http://sputnik.by/
[4] https://zviazda.by/be/tags/wot
[5] https://zviazda.by/be/tags/belaviya
[6] https://zviazda.by/be/tags/world-tanks
[7] https://zviazda.by/be/tags/nacyyanalny-aeraport-minsk