На раніцу 15 жніўня хлебаробы Гродзеншчыны намалацілі 1 028 341 тону збожжа, убраўшы 79% плошчаў.
Згодна з інфармацыяй абласнога ўпраўлення па сельскай гаспадарцы і харчаванні Гродзенскага аблвыканкама, 25 гаспадарак (у тым ліку 7 у Слонімскім раёне, 6 — у Гродзенскім) жніво завяршылі, а многія набліжаюцца да фінішу. Па ўраджайнасці традыцыйна лідзіруе Гродзенскі раён — 60,4 цэнтнера з гектара. На Бераставіччыне на круг намалочваюць у сярэднім 51,1, у Карэліцкім раёне — 47,7 цэнтнера з гектара. Сярод гаспадарак самая ўраджайная ніва ў СВК імя В.І. Крамко Гродзенскага раёна — 93,1 цэнтнера з гектара. У сельскагаспадарчых кааператывах «Прагрэс-Верцялішкі» і «Свіслач» гэтага ж раёна ўраджайнасць складае адпаведна 83,6 і 79,5 цэнтнера з гектара. Больш за 60 цэнтнераў збожжа з гектара намалочваюць яшчэ ў дзесяці гаспадарках вобласці.
Барыс ПРАКОПЧЫК
Спасылкі
[1] https://zviazda.by/be/tags/barys-prakopchyk
[2] https://zviazda.by/be/ekanomika
[3] https://zviazda.by/be/selskaya-gaspadarka
[4] mailto:prakopchіk@zvіazda.by
[5] https://zviazda.by/be/tags/uborachnaya-kampaniya
[6] https://zviazda.by/be/tags/zbozhzha
[7] https://zviazda.by/be/tags/namalot
[8] https://zviazda.by/be/tags/hlebaroby