Гэта ініцыятыва рэалізуецца напярэдадні 500-гадовага юбілею беларускага кнігадрукавання, які будзе адзначацца ў 2017 годзе.
Серыя «Клуб кніжных прафесараў» з'яўляецца цэльным курсам і ўключае 9 заняткаў, разлічаных на дзяцей ва ўзросце ад 6 да 12 гадоў. Цягам навучальнага года яны будуць штомесяц наведваць музей кнігі Нацыянальнай бібліятэкі Беларусі. Праграма распачынаецца ў верасні і завяршаецца ў маі.
На занятках, якія праводзяцца ў даступнай і займальнай форме, дзеці здзейсняць вандроўку ў гісторыю кнігі, атрымаюць новыя веды пра багацце і разнастайнасць беларускай кніжнай культуры. Заняткі праводзяцца на беларускай мове і ўключаюць інтэрактыўныя экскурсіі, пазнавальныя гутаркі, майстар-класы, творчыя заданні і гульні.
Атрыманню ведаў будуць спрыяць незвычайная музейная атмасфера, сяброўскія ўзаемаадносіны, дзе кожнае дзіця адчувае сабе свабодна і ў той жа час усе захоплены агульнай справай. Дзеці стануць не толькі гледачамі, якія бачаць кнігі ў вітрынах за шклом, але і актыўнымі ўдзельнікамі пазнання працэсу іх стварэння.
Курс уключае такія тэмы, як «Формы і матэрыялы кнігі», «Папяровыя цуды». «Структура кодэкса», «Рукапісная кніга», «Ёган Гутэнберг», «Францыск Скарына», «Кніжная культура Радзівілаў», «Мініяцюрная кніга», «Аўтограф».
Група «кніжных прафесараў» будзе фарміравацца да 20 верасня. Кошт адных заняткаў складае 2 рублі 50 капеек.
Надзея НІКАЛАЕВА
Спасылкі
[1] https://zviazda.by/be/tags/nadzeya-nikalaeva
[2] https://zviazda.by/be/gramadstva
[3] https://zviazda.by/be/navuka
[4] mailto:nіkalaeva@zvіazda.by
[5] https://zviazda.by/be/tags/klub-knizhnyh-prafesarau
[6] https://zviazda.by/be/tags/nacyyanalnaya-bibliyateka-belarusi
[7] https://zviazda.by/be/tags/praekt-u-gosci-da-knig
[8] https://zviazda.by/be/tags/knigi
[9] https://zviazda.by/be/tags/knigadrukavanne
[10] https://zviazda.by/be/tags/god-kultury