29 лістапада адбыўся трэці з'езд Саюза пісьменнікаў Беларусі. Удзел у ім прынялі 367 членаў творчага аб'яднання ад Мінска і ўсіх абласцей, госці з Расіі, Казахстана, Малдовы, Літвы, Латвіі, Таджыкістана, а таксама запрошаныя прадстаўнікі шэрагу міністэрстваў і ведамстваў.
Творцы гутарылі аб тым, што было зроблена, з якімі праблемамі яны сутыкнуліся, што не атрымалася пераадолець. У дыскусіях уздымаліся заканамерныя пытанні: у якім кірунку будзе рухацца СПБ у бліжэйшай пяцігодцы і на што варта звярнуць асаблівую ўвагу?
- Ад з'езду пісьменнікаў я перш за ўсё чакаю, каб ён нагадаў, што літаратура ў Беларусі ёсць, - кажа аглядальнік часопіса "Беларуская думка", пісьменнік Анатоль Драздоў. - Што ёсць людзі, якія працуюць часцяком за кошт свайго асабістага часу, часцяком практычна бескарысліва.
Яны пішуць кнігі, яны ствараюць не толькі летапіс нашай краіны (гэта больш справа журналістыкі), але і духоўны зрэз нашага грамадства. Яны паказваюць наша месца ў сусветнай культуры. Яны робяць так, каб нашу краіну ведалі не толькі цяпер, але і памяталі ў будучыні. Таму я спадзяюся, што трэці з'езд нарэшце падыме пытанне аб тым, каб працу пісьменніка прызналі прафесіяй, прыцягне да яе ўвагу не толькі грамадскасці, але і органаў дзяржаўнага кіравання, і нагадае аб тым, што пісьменнікі важныя для нашай краіны.
Спасылкі
[1] https://zviazda.by/be/tags/ilya-katusau
[2] https://zviazda.by/be/kultura
[3] https://zviazda.by/be/tags/iii-zezd-sayuza-pismennikau-belarusi
[4] https://zviazda.by/be/tags/anatol-drazdou-0