Кампанія Google напрыканцы года прааналізавала пошукавыя запыты карыстальнікаў інтэрнэту і прадставіла статыстыку па розных краінах, у тым ліку па Беларусі. Нашых суайчыннікаў сёлета найбольш цікавілі серыялы, тэлевізійныя шоу і спартыўныя спаборніцтвы.
Так, у агульнай катэгорыі папулярных запытаў лідзіруе трэці сезон расійскага серыяла «Фізрук». Следам ідзе другі сезон серыяла «Мажор». «Бронза» дасталася конкурсу «Еўрабачанне 2016».
У намінацыі «Персона года» перамог нававыбраны прэзідэнт ЗША Дональд Трамп. У дзясятку таксама ўвайшлі мультфільмы «Таемнае жыццё свойскіх жывёл» і «Звераполіс», а таксама стужка «Выжылы», якая прынесла першы Оскар Леанарда Дзі Капрыа.
У катэгорыі «Серыял года» перамог ужо згаданы «Фізрук», яму саступілі крымінальны дэтэктыў «Мажор» і расійская «Маладзёжка».
Таксама мы шукалі ў сеціве тэлефоны, дзіцячыя каляскі, шыны, веласіпеды, пухавікі і... цэмент.
Яраслаў ЛЫСКАВЕЦ
Спасылкі
[1] https://zviazda.by/be/tags/yaraslau-lyskavec
[2] https://zviazda.by/be/kaleydaskop
[3] https://zviazda.by/be/teletydzen
[4] mailto:lyskavets@zvіazda.by
[5] https://zviazda.by/be/tags/google
[6] https://zviazda.by/be/tags/internet
[7] https://zviazda.by/be/tags/teletydzen