Вы здесь

Зёлкавы фэст на Пятровіцу


Пятрок, альбо Пятроў дзень, як вядома, прыпадае на самы разгар лета, на 12 ліпеня. Даўней на поўдні Міншчыны, у Любанскім раёне, у гэты час збіраліся шумныя і шматлюдныя кірмашы, ладзіліся фэсты. Не сцёртая з народнай памяці самабытная традыцыя святкавання дала падставу для адраджэння і працягу народнага свята. І таму спрадвечная і прыгожая мясцовая назва свята — Пятровіца — зноў загучала. У вёсцы Шыпілавічы, на радзіме вядомага беларускага этнографа, пісьменніка і публіцыста Паўла Шпілеўскага ў пятроўскія дні не першы год праводзяцца міжнародныя маладзёжныя летнікі па вывучэнні бытавых танцаў, этнаграфіі і фальклору. Гэтым разам у Шыпілавічы прыехалі некалькі збіральніц зёлак са свежымі букетамі кветак і калекцыямі сушаных траў. Таму фестываль неафіцыйна назвалі «зёлкавы кірмаш».


Удзельнікаў летніка сёлета было не меней як паўсотні чалавек, і яны прыехалі з розных куткоў Беларусі, нават з Літвы і Расіі. Вядома, гэта не тыя старажытныя фэсты, якія збіралі сотні, а можа і тысячы людзей з усёй акругі. Сучасны любанскі фэст на Пятра і Паўла сваім фарматам нагадвае рэгіянальны фестываль аўтэнтычных песень і танцаў. Але мясцовы каларыт у гаворках, у песнях і танцах робіць адметнай святочную атмасферу.

Традыцыйнымі ў свяце сталі і малебен каля крыжа на скрыжаванні галоўных вясковых вуліц, і павязванне абракальных стужачак на двухсотгадовым дубе за ваколіцай, і абыход вёскі «дзявочым войскам» с песнямі і карагодамі, і распальванне вогнішча, і кумленне маладых пар. А яшчэ варылася трацыйная пятровіцкая юшка ў знак таго, што святыя Пётр і Павел былі простымі рыбакамі. А потым былі скокі і танцы, як кажуць, да ўпаду: на Любаншчыне захавалася адметная манера бытавых танцаў і, на шчасце, не перавяліся сапраўдныя віртуозы ігры на гармоніку.

Пасля «Пятровіцы» на Любаншчыне пачынаюцца першыя зажынкі — яшчэ адна каштоўная традыцыя, якую захоўваюць вясковыя носьбіты духоўнай спадчыны пры падтрымцы руплівых работнікаў культуры раёна.

Траў­ні­ца з вёс­кі Кузь­мі­чы Ра­і­са Валь­ко­ва. Свае ве­ды пра ле­ка­выя тра­вы жан­чы­на атры­ма­ла ад ма­ці і ба­бу­лі. У воль­ны ад ра­бо­ты час, а Ра­і­са пра­цуе мас­тац­кім кі­раў­ні­ком у вяс­ко­вым До­ме куль­ту­ры, збі­рае зёл­кі, су­шыць, ро­біць зёл­ка­выя дух­мя­ныя ка­лек­цыі і на­стой­кі. На фес­ты­ва­лі- кір­ма­шы яна па­ка­за­ла свае зёл­ка­выя збо­ры і па­дзя­лі­ла­ся ве­да­мі з жы­ха­ра­мі і гас­ця­мі свя­та.

 

Анатоль Кляшчук, фота аўтара

Любанскі раён

Выбор редакции

Культура

Чем в этом году будет удивлять посетителей «Славянский базар в Витебске»?

Чем в этом году будет удивлять посетителей «Славянский базар в Витебске»?

Концерт для детей и молодежи, пластический спектакль Егора Дружинина и «Рок-панорама».

Общество

Время заботы садоводов: на какие сорта плодовых и ягодных культур стоит обратить внимание?

Время заботы садоводов: на какие сорта плодовых и ягодных культур стоит обратить внимание?

Выбор саженца для садовода — тот момент, значимость которого сложно переоценить.

Сельское хозяйство

Как обстоят дела на полях Беларуси на данный момент?

Как обстоят дела на полях Беларуси на данный момент?

Успех зависит от соблюдения отраслевых регламентов и технологий.

Регионы

Бьюти-рецепты XVIII века восстанавливают в Грабовке

Бьюти-рецепты XVIII века восстанавливают в Грабовке

«Императорский» туристический маршрут поможет развивать сельскую территорию.