Вы здесь

Зніжкі і акцыі ва ўнівермаге «Беларусь»


Самы час адкласці ўсе справы ўбок і падумаць пра набліжэнне Каляд і Новага года! Столькі прыемнага клопату чакае кожнага з нас: упрыгожыць свае офісы і дамы, не забыць пра падарункі для блізкіх і сяброў. Як-ніяк набліжаецца час сапраўднай шчодрасці і дабрачыннасці. Ніхто не павінен застацца без веры ў дабрыню і цуд! Не губляйце каштоўны час на шматгадзінныя паходы па розных гандлёвых пунктах — завітайце адразу ва ўнівермаг «Беларусь».


Для зручнасці пакупнікоў тут цяпер працуе гардэроб: нішто не павінна перашкаджаць нам атрымліваць асалоду ад прыемнага хвалявання, якое менавіта падчас выбару, разглядвання і набыцця навагодніх атрыбутаў вяртае кожнага з нас у казачнае дзяцінства. Нямала хвалюючых момантаў нам падораць старыя знаёмыя: ёлачныя цацкі і мішура. Але абавязкова прыдбайце што-небудзь новенькае — шары, гірлянды... А, можа, наспеў час завесці ў доме ці офісе «крыштальную» сасну? Розныя варыянты ёлак ды соснаў, ёлачных упрыгажэнняў, электрагірляндаў, навагодніх сувеніраў і цацак (Год Сабакі абавязкова трэба сустракаць з сімвалам!) прапануюцца на 2-м, 3-м і 4-м паверхах універмага «Беларусь». Ёлкі і ўпрыгажэнні можна набыць не заходзячы ва ўнівермаг — каля цэнтральнага ўвахода з боку гасцініцы «Турыст». На ўсе навагоднія ўпрыгажэнні і сувеніры па 14 студзеня працягнуцца зніжкі — да 35 працэнтаў.

Пачаўся ўжо і гандаль «жывымі прыгажунямі». Іх набыць можна каля цэнтральнага ўвахода з боку вуліцы Жылуновіча з 10.00 да 19.00 штодня.

Салодкія падарункі вы адшукаеце ў секцыі харчовых тавараў на 1-м паверсе. Тут жа можна прыкупіць і сёе-тое да навагодняга стала. А пакуль той стол, дазвольце сабе паласавацца фірменнай выпечкай. Ва ўсім горадзе такой не адшукаць. Прайсці міма здобы і пячэння, вырабленых па класічных рэцэптах, проста немагчыма.

25 снежня ўнівермаг прапануе растэрміноўку на 10 месяцаў па картцы «Халва», а 27-га — растэрміноўку на 12 месяцаў па гэтай картцы на вырабы з натуральнага футра, залатыя ювелірныя вырабы з каштоўнымі камянямі і гадзіннікі коштам звыш 150 рублёў.

Усе, хто з 21 па 31 снежня набудуць нехарчовыя тавары на суму звыш 100 рублёў на працягу аднаго дня, атрымаюць купон на зніжку 25%, а на некаторыя тавары і ўсе 30%. Скарыстацца купонам можна ў студзені адзін раз у адной з секцый універмага. Калі сума пакупак перавысіць 2018 рублёў на працягу аднаго дня, вы атрымаеце шыкоўны падарунак — картку на 25-працэнтную зніжку на любыя пакупкі ва ўнівермагу на працягу ўсяго наступнага года!

Святлана БАРЫСЕНКА

protas@zviazda.by

Название в газете: Па навагодні настрой — ва ўнівермаг «Беларусь»!

Выбор редакции

Спорт

Яков Зенько: На льду даю волю эмоциям

Яков Зенько: На льду даю волю эмоциям

Он — один из немногих представителей белорусского фигурного катания на международной арене. 

Культура

Что общего между творчеством и «табуреткой»?

Что общего между творчеством и «табуреткой»?

Где можно освоить литературное мастерство? Как становятся писателями? 

Общество

Какие процедуры необходимы, чтобы родить здорового ребенка

Какие процедуры необходимы, чтобы родить здорового ребенка

Прежде всего биохимический скрининг, который выполняется на сроке от 10 с половиной до 13 с половиной недель беременности.