Вы здесь

У тэрапеўта — новая практыка


У найбліжэйшыя два гады ўчастковая служба пачне працаваць па новым прынцыпе.

Па прынцыпе ўрача агульнай практыкі. Замест участковых тэрапеўтаў пярвічным аглядам пацыентаў будуць займацца менавіта ўрачы агульнай практыкі. Па сутнасці, тыя ж тэрапеўты, але са значна больш пашыранымі функцыямі і навыкамі агляду ўрача-афтальмолага, лора, хірурга, неўролага, што дазволіць тут і цяпер атрымаць дастатковую меддапамогу, пазбавіць неабходнасці паходу да вузкіх спецыялістаў. Апошнія пры гэтым нікуды з паліклінік не падзенуцца, але іх колькасць будзе аптымізаваная пад новыя стандарты і патрэбы. Калі ўрач агульнай практыкі палічыць, што вам неабходна яшчэ і кансультацыя таго ж неўролага, то, вядома, накіруе да яго на ўзроўні пярвічнага звяна. Для ўкаранення новага падыходу ў рабоце з пацыентамі быў вывучаны і замежны вопыт.


— Пацыенты задаволены такой практыкай там, дзе яна ўжо ўкаранілася, — кажа начальнік упраўлення кадравай палітыкі ўстаноў адукацыі Міністэрства аховы здароўя Рэспублікі Беларусь Вольга МАРШАЛКА. — Кірунак, які з'яўляецца аналагам сямейнай медыцыны, будзе працягваць развівацца. У выніку ў нас на ўзроўні пярвічнага звяна з'явяцца каманды «ўрач—памочнік урача—медыцынская сястра». Цяпер іх па краіне ўжо 800, больш за ўсё ў Мінскай і Віцебскай абласцях. Паміж трыма спецыялістамі функцыі будуць падзелены. Памочнік урача, напрыклад, возьме на сябе выпіску рэцэптаў, дыспансерны нагляд і г. д. Сістэма падрыхтоўкі памочнікаў укараняецца. Усяго ў Беларусі іх ужо звыш 1,6 тысячы. Што да ўрача агульнай практыкі, то з мінулага года ўведзена субардынатура — падрыхтоўка спецыялістаў на шостым курсе. Пасля атрымання дыплома яны адпраўляюцца ў інтэрнатуру — гэта асаблівы від падрыхтоўкі, аналогія стажыроўкі па гэтым жа кірунку. Далей спецыялісты паступаюць на першае месца працы...

У апошнія пяць гадоў усе запланаваныя ў профільных установах адукацыі месцы былі занятыя. Падрыхтоўка адбываецца выключна пад патрэбу. Сёлета крыху знізілася колькасць тых, хто паступае ў вышэйшыя навучальныя ўстановы і падрасла — у сярэднія спецыяльныя. Таму што новая практыка патрабуе большай колькасці менавіта апошніх. Пры гэтым назіраецца досыць высокі конкурс. Падрыхтоўка праводзіцца ў 16 каледжах па дзевяці спецыяльнасцях, асноўныя з якіх — «Лячэбная справа», «Сястрынская справа», «Фармацыя». Традыцыйна каля 60—70 працэнтаў навучэнцаў атрымліваюць адукацыю за сродкі бюджэту. Гродзенскі дзяржаўны медуніверсітэт праводзіць навучанне медыцынскіх сясцёр з вышэйшай адукацыяй.

«Мы не адарваныя ад практычнай аховы здароўя, — заўважае дырэктар Беларускага дзяржаўнага медыцынскага каледжа Уладзімір КРУПЕНЧАНКАЎ. — Усё новае, што з'яўляецца ў ахове здароўя, мы аператыўна ўкараняем у адукацыйны працэс. На 75 працэнтаў адукацыя арыентаваная на практыку, набыццё навыкаў не ў аўдыторыях, а ў лячэбных установах».

Святлана БАРЫСЕНКА

protas@zviazda.by

Выбор редакции

Спорт

Яков Зенько: На льду даю волю эмоциям

Яков Зенько: На льду даю волю эмоциям

Он — один из немногих представителей белорусского фигурного катания на международной арене. 

Культура

Что общего между творчеством и «табуреткой»?

Что общего между творчеством и «табуреткой»?

Где можно освоить литературное мастерство? Как становятся писателями? 

Общество

Какие процедуры необходимы, чтобы родить здорового ребенка

Какие процедуры необходимы, чтобы родить здорового ребенка

Прежде всего биохимический скрининг, который выполняется на сроке от 10 с половиной до 13 с половиной недель беременности.