Вы здесь

Гашаная вапна на лецішчы і ў агародзе


Гэта ўнікальнае рэчыва, якое служыць для абароны раслін, харчавання глебы і будаўнічых работ. У гашанай вапне ўтрымліваюцца калій, кальцый, магній. Пры дапамозе вапнавых саставаў адпужваюць грызуноў, рэгулююць кіслотнасць глебы і надаюць клейкасць вадкім будаўнічым сумесям.


Гашаную вапну атрымліваюць у выніку растварэння ў 3—4 л вады 10 кг зыходнага матэрыялу (камяковай вапны). Як варыянт можна набыць гатовы сухі парашок (пушонку).

Для глебы

У асноўным гашаную вапну выкарыстоўваюць для рэгулявання стану глебы. Доза ўгнаення залежыць ад двух фактараў:

• складу і кіслотнасці грунту;

• віду і глыбіні ўнясення ўгнаенняў на аснове вапны.

Вызначыць павышаную кіслотнасць глебы на ўчастку можна па некалькіх прыкметах:

• на паверхні глебы прыкметная бялявая «попельная» праслойка;

• адсутнічае або вельмі дрэнна расце канюшына;

• актыўна разрастаюцца мох, шчаўе, багун, верас, казяльцы, хвошч і іншыя расліны, якія аддаюць перавагу кіслай глебе.

Каб пэўна вызначыць ступень кіслотнасці глебы, лепш за ўсё аднесці яе ўзоры ў аграхімічную лабараторыю альбо скарыстацца адмысловымі прыборамі (рН-метрам) або індыкатарамі (лакмусавая папера).

Зразумела, для кожнай культуры, якая вырошчваецца, і тыпу глебы колькасць уносімай вапны адрозніваецца, але агульныя нормы выглядаюць так:

Падвышаная кіслотнасць (pH = 4,1—4,5)

 

Сярэдняя кіслотнасць (pH = 4,6—5)

 

Слабая кіслотнасць (pH = 5,1—6)

 

Гліністыя і суглінкавыя глебы — 0,5 кг/ кв. м; пясчаныя — 0,3 кг/кв. м

 

Гліністыя і суглінкавыя глебы — 0,3 кг/кв. м; пясчаныя — 0,2 кг/кв. м

 

Гліністыя і суглінкавыя глебы — 0,2 кг/кв. м; пясчаныя — не ўносіцца

 

Для пабелкі

Вапна для пабелкі дрэў таксама выкарыстоўваецца даволі часта, што гаворыць аб яе эфектыўнасці. Адзін з самых папулярных рэцэптаў выглядае наступным чынам.

Вазьміце вядро аб'ёмам 8—10 л, напоўніце яго вадой. Дадайце 2 кг гашанай вапны, 1,5 кг гліны і 0,3 кг меднага купарвасу. У выніку павінен атрымацца густы састаў, які па кансістэнцыі нагадвае смятану. Раўнамерна нанясіце яго на падрыхтаваны ствол дрэва, пазбягаючы падцёкаў. Пласт пабелу павінен складаць 3—4 мм.

Бяліць дрэва можна восенню і вясной, гэта зберажэ расліну ад халадоў і шкоднікаў.

Вапну трэба наносіць на расліны адразу пасля развядзення — ад кантакту з вуглякіслым газам яе характарыстыкі пагаршаюцца.

Выдатна абараняе дрэвы і наступны састаў: 10 л чыстай вады; 2,5 кг гашанай вапны, 0,1 кг сталярнага клею, 0,5 кг меднага купарвасу, жменя сушанага чэмеру (для адпужвання зайцоў).

Усе кампаненты старанна змешваюць да аднастайнай масы. Затым састаў павінен настаяцца на працягу 3—5 гадзін. Пасля гэтага яго наносяць пры дапамозе пэндзля або паралонавых губак не толькі да ўзроўню ніжніх шкілетных галін, але і значна вышэй, да таго месца, куды дацягнецца рука. Для дасягнення найлепшага эфекту састаў варта нанесці мінімум у два слаі.

Для дэзінфекцыі прылад

На 1 кг нягашанай вапны бяруць 1 л вады, змешваюць і даюць астыць і прасохнуць.

Затым разбаўляюць 9 л чыстай вады і выкарыстоўваюць атрыманы састаў для абеззаражвання памяшканняў (сцен, столі), стэлажоў, інструментаў, цяпліц.

Дарэчы, цяпліцу апрацоўваюць як унутры, так і звонку для абароны ад хвароб і для прыцянення.

Меры засцярогі пры рабоце з вапнай

Вапна лічыцца даволі едкім матэрыялам, пры рабоце з якім трэба выконваць меры бяспекі:

• апранайце ахоўныя акуляры і пальчаткі пры рабоце з вапнай;

• падчас яе гашэння трымайцеся на адлегласці ад ёмістасці, у якой адбываецца працэс, паколькі вапна моцна награваецца і часта распырскваецца;

• органы дыхання можна абараніць ватна-марлевай павязкай;

• пры траплянні на скуру выдаліце раствор тампонам, змочаным у алеі. На пацярпелы ўчастак накладзіце марлевы кампрэс, змочаны ў 5 %-ным воцаце;

• калі кроплі раствору трапяць у вочы, прамыйце іх чыстай праточнай вадой і пры неабходнасці звярніцеся да акуліста.

Такім чынам, выкарыстанне вапны на дачы абмежавана толькі вашай фантазіяй. Яе проста абавязаны выкарыстоўваць любы дачнік, які паважае сябе.

Выбор редакции

Общество

Чем живет Фаниполь — самый молодой город Беларуси

Чем живет Фаниполь — самый молодой город Беларуси

Сегодня в Фаниполе зарегистрировано 16 318 жителей.  

Общество

Приобретут ли у хозяев старые дома?

Приобретут ли у хозяев старые дома?

Одельский сельский совет, что в Гродненском районе, можно назвать воротами в Евросоюз. 

Общество

Время, образование, зарплата — 3 проблемы многодетных мам. Как преодолеть?

Время, образование, зарплата — 3 проблемы многодетных мам. Как преодолеть?

Размеры детских выплат бывают даже больше зарплаты.  

Общество

Психолог рассказывает, как найти общий язык с подростком

Психолог рассказывает, как найти общий язык с подростком

Переходный возраст не только испытывает на прочность самого подростка и его родителей...