29 сентября, вторник

Вы здесь

КДК: Будаўніцтва Беларускай АЭС вядзецца ў адпаведнасці з графікам


Будаўніцтва Беларускай АЭС вядзецца ў адпаведнасці з графікам, паведаміў сёння журналістам старшыня КДК Леанід Анфімаў напярэдадні сумеснага пасяджэння калегій Камітэта дзяржаўнага кантролю Беларусі і Падліковай палаты Расіі, якое праходзіць у рэжыме відэа-канферэнц-сувязі.


У першым квартале 2018 года Камітэт дзяржаўнага кантролю і Падліковая палата правялі сумеснае кантрольнае мерапрыемства па выкананні абавязацельстваў бакоў па міжурадавым пагадненні Расіі і Беларусі аб супрацоўніцтве ў будаўніцтве на беларускай тэрыторыі АЭС. Праверка паказала, што абавязацельствы ў цэлым выконваюцца, фінансаванне праекта ажыццяўляецца своечасова і ў поўным аб'ёме. Праведзена работ на суму больш за $3 млрд, з якіх $2,7 млрд - крэдытныя рэсурсы.

"Будаўніцтва ідзе ў адпаведнасці з зацверджаным графікам. Збояў, якія выклікалі б сур'ёзныя нараканні ў беларускага і расійскага бакоў, няма. Кіраўніком дзяржавы пастаўлена задача пабудаваць у Рэспубліцы Беларусь самую сучасную, бяспечную і тэхналагічную атамную станцыю. І кантроль нацэлены на тое, каб папярэдзіць развіццё негатыўных сітуацый, каб сапраўды станцыя атрымалася самай бяспечнай і сучаснай, не выклікала нараканняў ні ў нашых грамадзян, ні ў нашых суседзяў", - адзначыў Леанід Анфімаў.

Паводле яго слоў, у кантрольнага ведамства няма сумненняў у тым, што абазначаныя ў дакументах тэрміны ўводу аб'екта будуць выкананы. Учора адбылася рабочая нарада з прадстаўнікамі карпарацыі "Расатам", генеральны падрадчык запэўніў, што прыкладзе ўсе намаганні для своечасовага выканання работ.

Актыўная фаза будаўніцтва Беларускай АЭС пачалася ў 2013 годзе. Цяпер работы вядуцца на 123 аб'ектах, задзейнічана 41 падрадная будаўнічая арганізацыя, у тым ліку 23 беларускія. Кантроль якасці і выкананне тэхналогіі правядзення будаўнічых работ на пастаяннай аснове ажыццяўляецца органамі Дзяржбуднагляду і Дзяржатамнагляду.

Міжурадавае пагадненне прадугледжвае супрацоўніцтва дзвюх краін у праектаванні, будаўніцтве і ўводзе ў эксплуатацыю двух энергаблокаў атамнай электрастанцыі магутнасцю да 1200 МВт кожны, а таксама дапаможных аб'ектаў, якія забяспечваюць бяспечную работу кожнага энергаблока. Увод у эксплуатацыю першага энергаблока запланаваны на снежань 2019 года, другога - у ліпені 2020 года.

БЕЛТА

Выбор редакции

Религия

Восстановленный Туровский крест показали в Минске

Восстановленный Туровский крест показали в Минске

Вечернее богослужение в соборе прошло, овеянное дорогими для всех символами возвращения и возрождения духовных традиций.

Культура

75 лет назад открылась первая экспозиция музея Янки Купалы

75 лет назад открылась первая экспозиция музея Янки Купалы

Давайте по случаю почетного юбилея пройдемся по залам музея, в каждой из которых свои сюрпризы.

Общество

Воспитанники Весновского дома-интерната, что на Могилевщине, делают своими руками иконы для построенной на их территории часовни

Воспитанники Весновского дома-интерната, что на Могилевщине, делают своими руками иконы для построенной на их территории часовни

Культовое сооружение, которое будет освящено на праздник Покровов в честь святителя Патрика, просветителя земли Ирландской, уже полностью готово, осталось только украсить храмовые стены иконами.