Вы здесь

Што адбылося за тыдзень у Савеце Рэспублікі


Гатовы падтрымаць жанчын

Старшыня БСЖ узяла ўдзел ва ўстаноўчай канферэнцыі аднаго з падраздзяленняў арганізацыі

Намеснік старшыні Савета Рэспублікі Нацыянальнага сходу Беларусі, старшыня Беларускага саюза жанчын Мар'яна Шчоткіна ўзяла ўдзел ва ўстаноўчай канферэнцыі Саюза жанчын Міністэрства надзвычайных сітуацый.

«Мы заўсёды гатовыя прыняць у свае шэрагі жанчын, якія хочуць удзельнічаць у жыцці краіны. Будзем больш актыўна вылучаць свае кандыдатуры на кіраўнічыя пасады, прымаць удзел у заканатворчай дзейнасці, падтрымліваць жаночае прадпрымальніцтва», — адзначыла ў інтэрв'ю журналістам Мар'яна Шчоткіна.

Яна таксама расказала аб праектах, якія рэалізуюцца саюзам: «Што датычыцца асноўных напрамкаў дзейнасці, у Год малой радзімы БСЖ рэалізуе праекты, звязаныя з гісторыяй і культурай краіны. Шмат увагі ўдзяляецца сямейнай праблематыцы, аказанню дапамогі дзецям, маладым сем'ям, культываванню ў грамадстве сямейных каштоўнасцяў. У прыватнасці, па традыцыі ў час рэспубліканскай акцыі «Збярэм партфель разам» будзе аказана дапамога сем'ям у падрыхтоўцы дзяцей да школы. Развіваецца міжнароднае супрацоўніцтва, умацоўваюцца сувязі з жанчынамі свету. Мэты жаночых арганізацый — па-за палітыкай. Гэта мір, стабільнасць, здароўе, магчымасці для жанчын у плане прафесійнага росту, самарэалізацыі».


«Мэтанакіраваны» партал

Сайт, на якім будзе размешчана інфармацыя аб 17 Мэтах устойлівага развіцця, распрацуе Белстат

У Беларусі да канца года створаць партал з інфармацыяй аб дасягненні краінай Мэт устойлівага развіцця. Пра гэта намеснік старшыні Савета Рэспублікі, нацыянальны каардынатар па дасягненні МУР Мар'яна Шчоткіна заявіла ў эфіры тэлеканала «Беларусь 1».

«У нас няма адзінага органа, які збіраў бы ўсю інфармацыю, ствараў адзіны партал, дзе б уся гэтая інфармацыя акумулявалася, усімі вывучалася, узбагачалася, правяралася, і быў бы адзіны інфармацыйны рэсурс, якім можна было б карыстацца, — сказала Мар'яна Шчоткіна. — Гэтую працу каардынуе Белстат, які да канца года створыць адпаведны нацыянальны партал».

Многія краіны працуюць над стварэннем падобных парталаў. «Калі ён будзе створаны ва ўсіх дзяржавах, можна будзе заходзіць туды і атрымліваць інфармацыю», — заўважыла нацыянальны каардынатар.

Мар'яна Шчоткіна дадала, што ў Беларусі прыняты эфектыўныя меры для арганізацыі і сістэматызацыі работы па дасягненні Мэт устойлівага развіцця. Усе 17 МУР разбітыя на паказчыкі і замацаваныя за дзяржаўнымі органамі. «Гэта значыць, што кожны ведае зону сваёй адказнасці», — звярнула ўвагу яна.

«І вельмі важна, каб ад нацыянальнага ўзроўню мы перайшлі на рэгіянальны: распрацавалі паказчыкі для абласцей, горада Мінска. Гэтым таксама займаецца Белстат», — сказала намеснік старшыні Савета Рэспублікі.

Парадак дня ў галіне ўстойлівага развіцця на перыяд да 2030 года дзяржавы — члены ААН прынялі 25 верасня 2015 года. Ён уключае спіс з 17 мэт, накіраваных на ліквідацыю беднасці, барацьбу з няроўнасцю і несправядлівасцю, а таксама на вырашэнне праблем, звязаных са змяненнем клімату.

Беларусь ужо распачала шэраг важных крокаў для дасягнення МУР. Урадам адобрана Нацыянальная стратэгія ўстойлівага сацыяльна-эканамічнага развіцця на перыяд да 2030 года. Выбудавана Нацыянальная архітэктура па дасягненні МУР. У яе складзе — Савет па ўстойліваму развіццю, парламенцкая група па МУР, а таксама партнёрская група ўстойлівага развіцця.

Вераніка ПУСТАВІТ

Выбор редакции

Общество

Галина Левина: Памятник — не конструктор и не чертеж, его надо пережить, выстрадать

Галина Левина: Памятник — не конструктор и не чертеж, его надо пережить, выстрадать

У архитектора Галины Левиной — Хатынь, творческое наследие ее отца.

Общество

Премия красоты. Ради чего люди ложатся под нож пластического хирурга?

Премия красоты. Ради чего люди ложатся под нож пластического хирурга?

Как свидетельствуют многочисленные исследования, привлекательным людям проще пробиться в жизни и они достигают в карьере большего успеха.

В мире

Как Европа восстанавливается от ковидного удара?

Как Европа восстанавливается от ковидного удара?

В этом году европейская экономика будет переживать глубокую рецессию из-за вспышки коронавируса, несмотря на быстрые и всеобъемлющие антикризисные меры как на союзном, так и на национальном уровне.

Экономика

Тонкое искусство благополучия. Составляем семейный бюджет вместе со специалистом Нацбанка

Тонкое искусство благополучия. Составляем семейный бюджет вместе со специалистом Нацбанка

2020 год поставил всех нас перед необходимостью четко планировать свои расходы.