Вы здесь

Андрэйчанка: Арменія з'яўляецца для нас надзейным партнёрам


Уладзімір Андрэйчанка запрасіў Арменію да ўдзелу ў канферэнцыі Групы падтрымкі Шоўкавага шляху Парламенцкай асамблеі АБСЕ

Канферэнцыя Групы падтрымкі Шоўкавага шляху Парламенцкай асамблеі АБСЕ, прыняць удзел у якой запрасілі армянскі бок, пройдзе ў маі ў Мінску. Больш за тыдзень таму Надзвычайны і Паўнамоцны Пасол Арменіі ў Беларусі Армен Гевандзян уручаў даверчы ліст Прэзідэнту Беларусі, а ўжо ўчора дыпламата віталі ў Палаце прадстаўнікоў. Такая актыўнасць і запал да працы не толькі паказчык узаемадзеяння краін, але і знак асаблівых сувязяў дзвюх парламентаў.


— Арменія з'яўляецца для нас надзейным партнёрам. У нас шматпланавае развіццё і супрацоўніцтва ў разнастайных кірунках — гандлёва-эканамічным і культурным, міжпарламенцкім. І канешне, мы зацікаўлены ў тым, каб гэта супрацоўніцтва ўзмацняць, развіваць. Сур'ёзную ролю ў гэтым адводзім нашаму парламенцкаму складніку, — сказаў Уладзімір Андрэйчанка, старшыня Палаты прадстаўнікоў.

Дзеля гэтага створана міжпарламенцкая камісія, якая мае асобы статус. Усяго дзейнічаюць толькі дзве такія камісіі (яшчэ адна з Украінай), астатнія маюць узровень рабочых груп.

— У нашых адносінах ёсць вялікі незадзейнічаны патэнцыял. І сваю задачу ў якасці пасла бачу ў тым, каб садзейнічаць раскрыццю гэтага патэнцыялу і дапамагаць нашым органам выканаўчай улады, закандаўчай улады, — адзначыў пасол Армен Гевандзян.

Асаблівы акцэнт, па словах Уладзіміра Андрэйчанкі, трэба зрабіць на рэгіянальнае ўзаемадзеянне, пабрацімскія сувязі (зараз разглядаецца пагадненне аб пабрацімстве паміж Мінскам і Ерэванам), кааперацыю.

— Мы гатовы прыняць удзел у абнаўленні парку пасажырскай тэхнікі ў вашай краіне. Гатовы ўдзельнічаць у вашай праграме абнаўлення ліфтавай гаспадаркі, — заверыў партнёраў спікер Палаты прадстаўнікоў.

Дамоўленасці аб стварэнні сумеснай вытворчасці чакаюць ад будучага візіту прадстаўнікоў завода «Магілёўліфтмаш» у Арменію.

Супрацоўніцтва рэалізуецца не толькі на двухбаковым узроўні. Плён дае ўзаемадзеянне ў рамках міжнародных арганізацый — ЕАЭС і АДКБ. Па словах Армена Гевандзяна, прасоўванне інтэграцыі — важны кірунак супрацоўніцтва. Рухацца трэба ў рамках пастулатаў дагавораў, якія дапамогуць забяспечыць усю гаму ўзаемадзеяння і стварыць спрыяльныя ўмовы для ўсіх удзельнікаў саюза.

Марыя ДАДАЛКА

Выбор редакции

Культура

Операция «Багратион»: новые подробности

Операция «Багратион»: новые подробности

Могилевская библиотека имени Ленина стала инициатором акции «Дорогами войны. Маршрутами Победы».

Общество

Григорий Рапота посетил Придвинский край

Григорий Рапота посетил Придвинский край

Что его удивило, особенно порадовало, заставило задуматься?

Культура

Почему современное белорусское кино невеликое?

Почему современное белорусское кино невеликое?

Писатель и диссидент Андрей Синявский, когда рассказывал об утрированной мелочности советской «цивилизации», привел в пример повесть Михаил