Вы здесь

У Мінск прыбудзе Надзвычайны і Паўнамоцны Пасол Японіі


Цяпер дыпламатычная місія гэтай краіны прадстаўлена ў Беларусі часовым павераным. Чакаецца, што падзея надасць новае дыханне ўзаемадзеянню дзвюх краін. Тым больш, развівацца ёсць куды. Кропак для росту досыць — гэта культура, мастацтва, турызм. Асабліва перспектыўнымі падчас сустрэчы з журналістамі ў Нацыянальным прэс-цэнтры
дыпламат Хірокі Такунага назваў эканоміку, бізнес, сферу ІT і высокіх тэхналогій.


Ад аўтазапчастак да транспланталогіі

Тавараабарот дзвюх краін летась склаў 49 мільёнаў долараў. Японія пастаўляе ў Беларусь у асноўным абсталяванне — аўтамабільныя запчасткі, шыны, аптавалакно. Асноўныя складнікі беларускага экспарту —  калійныя ўгнаенні, медыцынскае абсталяванне, алюміній. Але, на жаль, айчынныя тавары амаль невядомыя ў Японіі.

— Мне б хацелася, каб Беларусь скарысталася магчымасцю прадставіць для Японіі і іншых азіяцкіх краін свае тавары і паслугі на сусветнай выстаўцы «Экспа-2025», — адзначыў Хірокі Такунага, паведаміўшы, што форум пройдзе ў горадзе Осака.

Цікавымі з'яўляюцца і інвестыцыйныя праекты. Пасол упэўнены: калі японскія бізнесмены на ўласныя вочы ўбачаць Беларусь, яны скарыстаюцца магчымасцю рэалізоўваць сумесныя праекты. Інтарэс для японскіх прадпрымальнікаў уяўляюць кампанія БелАЗ і Беларускі металургічны завод.

Хірокі Такунага звярнуў увагу, што ў Японіі вядомы высокі ўзровень беларускай медыцыны. Некаторыя японцы звяртаюцца ў нашы медцэнтры па дапамогу, напрыклад, для трансплантацыі печані.

Супрацоўнічае Японія з Беларуссю па праграме «Карані травы», асноўная мэта якой — дапамога людзям, пацярпелым ад аварыі на ЧАЭС. У асноўным, праекты ў рамках гэтай праграмы датычацца рамонту і закупкі тэхнікі для школ і медыцынскага абсталявання.

Культура і традыцыі

На будучым тыдні выкладчык Беларускай дзяржаўнай гімназіі-каледжа Клара Малышава будзе ўзнагароджана ордэнам Узыходзячага сонца за значны ўнёсак у выхаванне японскіх артыстаў балета. Гэта адзін з самых старажытных ордэнаў Японіі. На працягу многіх гадоў Клара Малышава курыравала адукацыю японскіх студэнтаў, сярод якіх былі будучыя прафесіянальныя артысты балета, кіраўнікі студый. Сёння студэнты харэаграфічнай гімназіі складаюць больш за 10 % ад агульнай колькасці японскіх грамадзян, якія пражываюць у Беларусі.

Сёлета Японію чакае значная культурная падзея — узыходжанне на прастол новага імператара. Прэзідэнт Беларусі Аляксандр Лукашэнка запрошаны на святочную цырымонію.

Як зацікавіць турыстаў?

Па словах спецыялістаў, асаблівы паказчык высокага ўзроўню турыстычнай сферы любой краіны — наяўнасць там японскіх вандроўнікаў.

Павышэнню колькасці ўзаемных візітаў паспрыяла спрашчэнне атрымання японскай візы і бязвізавы рэжым у Беларусі. Па звестках на 2017 год, нашу краіну наведала больш за 620 японцаў.

— Я стараюся прыкладаць намаганні (для папулярызацыі Беларусі. — Аўт.) са свайго боку. Важна, каб беларускія дыпламаты, прадстаўнікі бізнесу і студэнты па абмену таксама прыцягвалі ўвагу японцаў да прыгажосці сваёй краіны, — сказаў пасол. — Пры гэтым Беларусі неабходна ўзмацніць турыстычную інфраструктуру ў такіх момантах як транспартныя паслугі і пражыванне ў рэгіёнах. Таксама японскім турыстам было б зручней, калі б больш выкарыстоўвалася англійская мова.

Звязваюць Беларусь і Японію важныя спартыўныя падзеі. На Еўрапейскіх гульнях у Мінску ў некаторых відах спорту будуць разыграны пуцёўкі на Алімпіяду ў Токіа ў 2020 годзе. Цяпер сталіца Японіі актыўна рыхтуецца да галоўнай спартыўнай падзеі.

Марыя ДАДАЛКА

Название в газете: Ці зацвіце сакура ў Беларусі?

Выбор редакции

Культура

Чем в этом году будет удивлять посетителей «Славянский базар в Витебске»?

Чем в этом году будет удивлять посетителей «Славянский базар в Витебске»?

Концерт для детей и молодежи, пластический спектакль Егора Дружинина и «Рок-панорама».

Общество

Время заботы садоводов: на какие сорта плодовых и ягодных культур стоит обратить внимание?

Время заботы садоводов: на какие сорта плодовых и ягодных культур стоит обратить внимание?

Выбор саженца для садовода — тот момент, значимость которого сложно переоценить.

Сельское хозяйство

Как обстоят дела на полях Беларуси на данный момент?

Как обстоят дела на полях Беларуси на данный момент?

Успех зависит от соблюдения отраслевых регламентов и технологий.

Регионы

Бьюти-рецепты XVIII века восстанавливают в Грабовке

Бьюти-рецепты XVIII века восстанавливают в Грабовке

«Императорский» туристический маршрут поможет развивать сельскую территорию.