Вы здесь

У Беларусі могуць скараціць колькасць адтэрміновак для службы ў войску


Міністр абароны раскрыў падрабязнасці нарады ў Прэзідэнта на тэму камплектавання Узброеных Сіл і іншых войскаў асабовым складам.


Сёння ў кіраўніка дзяржавы адбылася нарада, на якой у першым набліжэнні дэталёва разгледзелі пытанні для будучага ўнясення змяненняў у заканадаўчым парадку па праходжанні тэрміновай ваеннай службы, а таксама па ўсіх аспектах, якія тычацца самога прызыву, матывацыі.

Як расказаў журналістам міністр абароны Андрэй Раўкоў, па ўсіх напрамках, якія былі прапанаваны кіраўніку дзяржавы, ім прынята станоўчае рашэнне. Але разам з тым, Аляксандр Лукашэнка выказаў пажаданне — удакладніць некаторыя пытанні з юрыдычнага боку, а таксама падзяліць прапанаваныя крокі на два этапа.

На нарадзе гаворка ішла ў тым ліку пра матывацыйныя аспекты: маецца на ўвазе прадастаўленне прэферэнцый тым, хто ўжо прайшоў тэрміновую ваенную службу або службу ў рэзерве.

Паводле слоў Андрэя Раўкова, людзі, якія адслужылі, могуць атрымаць магчымасць бясплатна, за кошт бюджэтных сродкаў, прайсці падрыхтоўчыя курсы для паступлення ў ВНУ. Таксама яны могуць атрымаць прыярытэт пры паступленні ў вышэйшую навучальную ўстанову пры роўнасці балаў, прыярытэт пры атрыманні жылля ў інтэрнаце, перавагу пры размеркаванні і іншыя матывацыйны рэчы.

Разам з тым прадугледжаны матывацыйныя аспекты для людзей, якія яшчэ не служылі.

Закранулі і адтэрміноўкі: зараз у Беларусі 47 адтэрміновак для праходжання службы – вайскоўцы лічаць, што іх колькасць можна скараціць.

Выніковы вердыкт нарады — магчымыя змены павінны быць дапрацаваны з улікам абмеркавання, за гэта адказваюць Міністэрства абароны, Савет Бяспекі і Адміністрацыя Прэзідэнта. Далей яны будуць рэалізаваны ў два этапы, як адзначалася вышэй.

Беларускі лідар, выслухаўшы ўсе пытанні і прапановы, заявіў, што самая неадкладная мера ў гэтай сферы на сёння — гэта навядзенне парадку ўсюды, пачынаючы ад сям’і і школы да арміі.

Удзельнікі нарады звярнулі ўвагу і на вядзенне дапрызыўнай падрыхтоўкі, хто ёй займаецца, а таксама на працу ўрачоў у прызыўных камісіях. Згадвалі і пра нормы ГПА, узровень фізічнай падрыхтоўкі моладзі. Увогуле, праблемы неабходна разглядаць комплексна і нічога не прапусціць.

Важна, што ўжо на першым этапе стаіць задача выразна прадумаць і прапанаваць жорсткія меры да тых, хто ўхіляецца ад прызыву. Гэтыя асноўныя патрабаванні павінны быць прапрацаваны да восені і прадстаўлены Прэзідэнту.

Другі этап – перагляд правілаў прызыву. Яшчэ раз вывучаць адтэрміноўкі, падумаюць, як зацікавіць грамадзян у выкананні воінскага доўгу.

Беларускі лідар падкрэсліў, што пры рэалізацыі мер трэба глядзець на абставіны, якія маюцца ў людзей. Гэта значыць, рэзкіх рухаў рабіць не павінен ніхто.

Уладзіслаў ЛУКАШЭВІЧ

Фота БЕЛТА

Выбор редакции

Общество

Галина Левина: Памятник — не конструктор и не чертеж, его надо пережить, выстрадать

Галина Левина: Памятник — не конструктор и не чертеж, его надо пережить, выстрадать

У архитектора Галины Левиной — Хатынь, творческое наследие ее отца.

Общество

Премия красоты. Ради чего люди ложатся под нож пластического хирурга?

Премия красоты. Ради чего люди ложатся под нож пластического хирурга?

Привлекательным людям проще пробиться в жизни.

В мире

Как Европа восстанавливается от ковидного удара?

Как Европа восстанавливается от ковидного удара?

В этом году европейская экономика будет переживать глубокую рецессию из-за вспышки коронавируса.

Экономика

Тонкое искусство благополучия. Составляем семейный бюджет вместе со специалистом Нацбанка

Тонкое искусство благополучия. Составляем семейный бюджет вместе со специалистом Нацбанка

2020 год поставил всех нас перед необходимостью четко планировать свои расходы.