Вы здесь

Як прадставіць 20-я гады ў кветках?


Гістарычныя вобразы, аказваецца, можна ствараць і з кветак! Разнастайныя кветкавыя кампазіцыі, у тым ліку букеты, каптурыкі, парасоны з бутонамі і зялёнымі галінкамі можна было ўбачыць у Лошыцкай сядзібе. Былі тут і вянкі на комін, дэкаратыўныя «жывыя» дэталі на дзвярныя ручкі, лавандавыя столікі для гарбаты і шмат іншага.


Справа ў тым, што менавіта ў сядзібе вырашылі праводзіць свой фінальны ўрок выпускнікі Фларыстычнай школы творчай майстэрні “NestArt”. Яны абралі гэта месца, каб увасобіць цікавую галерэю вобразаў розных эпох.

— Дзяўчаты паказваюць, як навучыліся ўвасабляць у кветках пэўную ідэю. З дапамогай розных кветак, зеляніны і іншых прыстасаванняў яны канструююць гістарычныя вобразы з кветак. Бо менавіта ў гістарычным аспекце можна надзвычай цікава раскрыць самыя розныя задумы, – адзначае дырэктар творчай майстэрні Наталля Архангельская.

Кажуць, што заняцце фларыстыкай робіць людзей шчаслівымі. Таму, сцвярджаюць арганізатары, і іх героі, фларысткі, якія ствараюць інтэр’ерныя работы, фарміруюць букеты для сваіх мадэляў, – безумоўна, таксама шчаслівыя людзі. Усе, хто наведаў выставу, таксама дакрануліся да створанага тут хараства.

— У нас вельмі разнастайная група дзяўчат-фларыстак, – распавядае выкладчыца фларыстыкі Вольга Бялова. – Ёсць цяжарныя, тыя, каму ўжо вось-вось нараджаць. Таму мы хацелі, каб спектр выбару вобразаў быў як мага больш шырокім. Дзяўчаты прадстаўляюць у кветках 1920-я, 1950-я гады і шмат іншага. Нам было важна не зрабіць дакладна такія ж букеты, якія былі ў тыя часы, бо гэта ў прынцыпе немагчыма. Мы імкнуліся з дапамогай фларыстыкі аднавіць мінулы час і ўвасобіць яго ў вобразах так, як яны гэта адчуваюць. Прадставіць у яркіх фарбах і эмоцыях, якія асацыююцца з даўняй эпохай... У Лошыцкай сядзібе надзвычай шмат цудоўных фонаў для фотаздымкаў розных эпох, было што выбраць, залы зроблены ў рознай стылістыцы і колеравай гаме. Шмат паветра і святла – для нас гэта надзвычай важна.

Варта дадаць, што ў Лошыцы ёсць уласная даўняя кветкавая гісторыя. Кожную вясну з канца XIX стагоддзя з залаў адкрываўся цудоўны від на магнолію кобус у квецені. Па легендзе колішні ўладальнік Яўстафій Любанскі высадзіў яе ў падарунак для сваёй нявесты Ядвігі Кеневіч.

Ніна ШЧАРБАЧЭВІЧ

Фота аўтара

Выбор редакции

Культура

Алесь Родим: Делали «оформиловку» для колхозов, возвращались в свои подвалы и продолжали рисовать

Алесь Родим: Делали «оформиловку» для колхозов, возвращались в свои подвалы и продолжали рисовать

Белорусской составляющей Тахелес посвящен арт-фестиваль «Мифологема тысячелетия», который открылся в пространстве Ок16 15 августа.

В мире

Как развивается глобальное противостояние США и Китая?

Как развивается глобальное противостояние США и Китая?

Противоречия в отношениях между Вашингтоном и Пекином обостряются, и их можно смело называть торговой войной.

Спорт

До старта пятого юбилейного Минского полумарафона остается всего месяц

До старта пятого юбилейного Минского полумарафона остается всего месяц

Традиционно самый массовый забег страны стартует в день рождения столицы, в этом году он состоится 15 сентября.

Здароўе

Какие операции белорусские офтальмологи делают при катаракте, глаукоме и других болезнях глаз

Какие операции белорусские офтальмологи делают при катаракте, глаукоме и других болезнях глаз

Экзопротезирование орбиты не производится больше ни в одной из стран СНГ.